سلامتك يا هامة العز والجود

    سلامتك يا هامة العز والجود

سلامتك يا منبع الخير كله

الله يثيبك عن تعب كل مجهود

والله يجيرك من غثا كل عله

أنت المليك اللي عن الأمه يذود

وأنت الإمام اللي من الله نجله

ياسيفنا اللي في المهمات مجرود

سيف على روس الأعادي نسله

تواضعك ماله مع العالم حدود

ومحبتك بقلوب شعبك جبله

الطيب من طيبك يبو متعب يزود

والعز لدروب المعزه تدله

أنت الذرى ياسيدي لكل مضهود

وأنته خزام اللي طغى فيه غله

وجهك طليق وفي تسامحك محسود

واللي أنعقد في وجه الأمه تحله

حاكم حكيم وترهب حشود وحشود

وأسمك على روس النوايف محله

نفرح ليا شفناك في الدار موجود

والدمع لامن غبت لجلك نهله

الله يحفظك يبيض الوجه وتعود

سالم وطيّب والمواجع تزله

ماجد عبدالله المحياني