حر الأشواق
تكونت في داخلي حر الأشواق
على شكل باقة مقدم من الشوق
الغالي اللي ساكن (ن) عمق الأعماق
ثبت مكان (ن) له موثق ومرموق
دايم عليه القلب شفق (ن) وخفاق
دايم عليه القلب ملهوف ويتوق
بذوقه الطاغي على كل الأذواق
هو الغلا هو قمة الحسن والذوق
اللي غلاه بدون حد (ن) بالأفاق
غلاه حطيته على الراس من فوق
وعيني على شوفه شفوقه تشفاق
من غيبته حلو الكرى حارب الموق
بُعده عليه صعب وصعيب ينطاق
حبه مطوقني بطوق (ن) ورى طوق
أبو جبين (ن) يشدي لنوض براق
في الغيمه اللي بالدجى تلعج بروق
ومن لامني عساه يبلى وينعاق
وتعرضه دنياه للهم والعوق
ويالله تحقق لي أمالي تحقاق
لجل أخذ حقوقي ولجل أوفي حقوق
تركي بن مدعج
رابط الخبر : http://www.alriyadh.com/2010/02/16/article499131.html
هذا الخبر من موقع جريدة الرياض اليومية www.alriyadh.com
-
1
تكونت في داخلي حرالاشواق
على شكل باقه مقدم من الشوق
للي غلاه سكن بوسط القلب وله ميثاق
للغايب اللي عليه القلب من الشوق محروق
وين انت يالغلا
لاتتقطع مراسيلك وتخليني قلق ومشتاق01:00 مساءً 2010/02/16
-
2
حبيبي بختصر الكلام..
وأبي منك الاهتمام
أبي (عيونك) تشوف العنوان..
ويحفظها رب الأنام..05:35 مساءً 2010/02/16
-
3
ريت بس وقت أصيح يا غلا..وينك..!
يرد المرسال..لبيه..هنا..محبوبك..!
فديتك غناتي , أشواقي من حولك..!
يا جعل ربي..ما يكسر محاذيفك..!
أصبح ,أمسي..على نبرات تعبيرك..!
زمزم أنتِ لشواقي..وصحه لحبابك..!06:33 مساءً 2010/02/16
-
4
ليت ما اصبح وامسي..القاك ياروح الغرام والوله قدام عيني..بهمسك ونظرة عيونك بحنانك وحبك ولمسة ايديك ودفا حضنك..الله لايحرمني منك..لاغبت عني دمعة العين تبكيك..ون جيت خافق القلب حياك..وشلون مايغليك شخص تمناك.. القصيده كامله ((حر الاشواق )) أهداء خاص لأعز الناس..دمت لمن تحبك..اميرة المشاعر..@
07:45 مساءً 2010/02/16
-
5
لبية لبية معاك الى ابعد مدى
09:28 مساءً 2010/02/16
-
6
صح لسانك على القصيدة الرائعة
06:40 صباحاً 2010/02/17
التعليق مقفل لانتهاء الفترة المحددة له 
Facebook 
Twitter 
tumblr 
Netlog 
Gmail 
Hotmail 
Yahoo Mail
Blogger 
سجل معنا بالضغط هنا