الرئيسية > خزامى الصحارى
بحر جدة
يا الساحل الغربي ويا بحر جده
بالله سلملي على قرة عيوني
وقله ترى مغليك قد باح سده
من يوم غبت وعاشقك حيل محزوني
وقله ترى ما غيره أحد يوده
ولا يبي غيرك من الناس مظنوني
وقله ترى صبري وصل لين حده
وكثر البطى لا زاد زود جنوني
القلب كن الهم عقبك يهده
ما كنه ألا بين الظلاع مطعوني
يلي مكان صعب غيرك يسده
يا أعذب قصيدي وأصدق إحساس وشجوني
يلي الحرير يذوب من لمس يده
ويلي بريح الورد والزين معجوني
وأنا ادعي الله كل يومن يرده
وكحل عقب غيبته والله عيوني
ناصر المنصور
1
يا بحر جده دامني ميتٍ حي
يا بحر وصلّه سلامي ووده!!
قله تراني تهت في سكة الغي
واني صبرت ووصّل الصبر حده!!
وقلّه يخفف من عنا بعده شوي
واذكر هوانا يمكن انه يردّه!!
وان كان عيا لا يجي يا بحر عي
ابيك لاقصى ما بقلبه تحده!!
وانا تراني ما تضايقت من شي
الا الهوى اللي بيننا لا يهده !!
انا دخيل الموج.. والملح.. والمي
(( هذي امانه معك يا بحر جده ))
"عبد الله الحجيلان"...
مزون العارض - عضو
02:06 مساءً 2009/12/03
2
يابحر جيتك وابي منك الجواب
خبر اللي طول ليله ماستراح
دلني تكفى على الدرب الصواب
الحبيب اللي هويته وين راح
هل رأيته بالمسا ولا بالصباح
يابحر لو شفت زاهي الثياب
كان نبعك ينقلب حلو قراح
يابحر من شانه فلبي مصاب
ساهر ليلي لاجل سيد الملاح
الجوهرة بنت عبدالله - عضو
07:13 مساءً 2009/12/03
3
يابحر جده من بغاك بموده++ عاشق وهايم في هواك مغبوني
أياي وياك المهاوي ترده ++ ترى الهوى يابحر حام الطعوني
غرام حبك يابحر من يصده++طاغٍ على قلبي ومعمن عيوني
ابوالوليد9000 - عضو
08:20 مساءً 2009/12/03
4
حزين والله وخاطري مكسور
لو أتظاهر بالسعادة( يابحر جدة)
وأنا يابحر يوم أصد وأخفي دمعتي معذور
لك الله يابحر صديت والصدة هي الصدة
أخاف يابحر تقول ضيدان ابن منصور
وقف في يوم من الأيام والدموعة على خدة
خالدB.M.W - زائر
09:21 مساءً 2009/12/03
5
رقم 2 طيرك هج , طار وممكن طاح بربيع أخر فيه صدق المشاعر!!!
البحر غدار وكثير فيه نعمه فقط من يحسن التعامل مع الخطر!!!
صلي صلاة الأستخاره والعوض من الله. الدنيا لا تتوقف عند ضياع الفرص!!!
بنت العصمه - زائر
09:22 مساءً 2009/12/03
6
في حبك الثاني... عسى الله يهنيك...
انت اخترت انسان ثاني... عسى الله يعوضني فيك
الجوهرة بنت عبدالله - عضو
11:56 مساءً 2009/12/03
الارشيف | اتصل بنا | خدمةRSS | النسخة الكاملة | الإعلانات المبوبة