يا مسامر سهيل

يا مسامر سهيل يوم الليل قد برّد

فاحت علوم الغلا مع فوحة الدلّه

باحكي لك علوم طيرٍ بالفلا غرّد

يومه سكن بالخفوق وصار محتلّه

عقبه غدى خافقي محتاس ومشرّد

كنه يعاني من الاوجاع والعلّه

لا صار طير الحلا مرعوب ومطرّد

يجفل من الصوت دوم ويرعبه ظله

كن المزايا بحسنه شي ٍ مورّد

وطينة حلايا جماله زايده بلّه

العلم طازج ولا هو علمن مبرّد

خذ ماتبي منّه و ما لا تبي خلّه

يومي عطيتك سوالف ثوبها مجرّد

ماقلتها الا وانا كني على ملّه

وش حيلة اللي حزين و دايم مقرّد

راح العمر والهموم السود تحتلّه

يلهبه شوقه ولو الليل قد برّد

ويشرب فراقه مثل شربه من الدلّه

عبدالله سليمان العمّار

– القرائن

1

ابسألك من أولك حتى آخرك كم فصل يوجد بالسنه.. خمسه..اربعه.. ثلاثه..انااشوف ان الفصول أربعه قبل تجمع كل الفصول غيوم وامطار.. وزهوربردك وحرك مع اعتدالك.. فيها اتنفس واعيش.. والحين ممكن تقدر عن الفصول تجاوب ان جيت يوم اسألك ؟؟ بك ابتدي ولك انتهى ياغايتي ومهجتي هذي حروفي حب واخلاص ووفا ماخالطت حروفي الكذب ولاالخيانة والجفا...اجمل وطن فيك التقيتك كل الدفا اللي ابيه تذكر يوم... اسألك..

الجوهرة بنت عبدالله

UP 0 DOWN

ابلغ عن هذه المشاركة

03:27 صباحاً 2009/10/13

2

صح لسانك الله الله

لا وظيفه (زائر)

UP 0 DOWN

ابلغ عن هذه المشاركة

03:29 صباحاً 2009/10/13

3

من اجمل ما قرأت...

نحو حوار راق (زائر)

UP 0 DOWN

ابلغ عن هذه المشاركة

07:29 صباحاً 2009/10/13

4

برده يجى نسناس ياسهيلى
يالجنوبى برده يجى نسناس
لو من بعيد الناس قلبى
يحب الطيب لو من بعيد الناس

النوخذه

UP 0 DOWN

ابلغ عن هذه المشاركة

12:58 مساءً 2009/10/13

5

عقبه غدى خافقي محتاس ومشرّد
كنه يعاني من الاوجاع والعلّه
صح لسانك..قصيده رائعه..دائما تبهرني بإبداعاتك..
تحياتي،،

هدى (زائر)

UP 0 DOWN

ابلغ عن هذه المشاركة

03:59 مساءً 2009/10/13

6

رائعه بمعنى الكلمة ومميزه بكل معنى الكلمه
تستحق ان نحتفي بها
شكرا للجريده وشكرا للشاعر

مخاوي الليل (زائر)

UP 0 DOWN

ابلغ عن هذه المشاركة

04:18 مساءً 2009/10/13

7

تقول.. شف عيني ورمشي ومجدولي
تراني الموت الأحمر للهواويّه
أكتب قصيدة غزل في عرضي وطولي
تقطر عذوبه يا أحمد ورومانسيّة
وأقول فرقا يا هالكربوت والزولي
متى تموتين وأكتب فيك مرثيّه !!

داحمدالماضي999

UP 0 DOWN

ابلغ عن هذه المشاركة

06:49 مساءً 2009/10/13

8

يسعد مساكم
)
)
شكرا شاعرنا واعجبتني بذكر الطير.
)
ياطير كان انك تهدد على النوح...تعال انا وياك ننعى هنيَا
تعال انا وياك ناخذ عن الروح...عطني وانا بعطيك مما تهيَا
وان كان صبرك شح والصوت مبحوح...خل انهتانك فالخفايا خفيَا
اون واتبع ونة الصدر بفحوح...ولا فرجت من ضيقة البال شيَا
(عبدالله بن عون)

واحد تعليق (زائر)

UP 0 DOWN

ابلغ عن هذه المشاركة

10:18 مساءً 2009/10/13