وافق مدافع الهلال السابق عبدالعزيز المفرج على العرض المقدم له من قبل إدارة الرياض للعب في صفوفه مقابل ثمانين ألف ريال لمدة عام واحد شاملة الراتب ومقدم العقد، وسيتم قيده في قائمة الهواة على أن يتم إدراجه مع اللاعبين المحترفين في فترة التسجيل الثانية التي ستبدأ في شهر يناير المقبل.
من جانب آخر سلمت الإدارة أول من أمس جميع اعضاء الجهازين الفني والإداري راتب شهر واحد فقط ، ووعدت بصرف باقي مستحقاتهم خلال الفترة المقبلة.
يذكر أن رئيس النادي أمر بصرف راتب شهرين أسوة بزملائهم الاجانب إلا أن هذا القرار قوبل بالرفض من قبل أمين الصندوق بحجة عدم وجود مبالغ كافية.
1
شووف وين وصلت يا المفررج ؟؟ ههه
هلالي حتى النخاع - عضو
08:52 صباحاً 2009/08/25
2
يا أخ سلطان الخبر فيه شئ غريب، شلون يأمر الرئيس وكل الناس عارفه ان النادي داخل عليه مبلغ مليونين ريال استلم منها مليون قبل فترة مقابل انتقال لاعبين للنصر، وامين الصندوق يقول مافيه فلوس !!! حلوة ههه وين راح المليون خلص بعد 80 الف المفرج ههه
أبوإبراهيم - عضو
10:28 صباحاً 2009/08/25
3
الاسعار مرتفعة هالايام
محمد ابويوسف - زائر
10:41 صباحاً 2009/08/25
4
من جد ليش الرياض بصراحة راح يدمر نفسة
بندر العثمان - زائر
12:04 مساءً 2009/08/25
5
الله يالدنيا يالمفررج
هذي مشكله من يمثل فريق الزعيق يتنسق في أي لحظه ولايكون فيه احترام للاعب ابد...!
راشد - زائر
12:41 مساءً 2009/08/25
6
ماحبكتها صح ياسطام
كيف رئيس النادي يأمر بصرف راتبين ؟؟؟
وامين الصندوق لايصرف الآ راتب واحد نظرا لعدم وجود مبالغ كافيه ؟؟؟
مبالغه تدعوا الى الضحك والفبركه واضحه ؟؟؟
اللهم اني صايم
خالد الشايع - زائر
12:46 مساءً 2009/08/25
7
ههه
حلوة ياسطام
( رئيس النادي أمر بصرف راتب شهرين أسوة بزملائهم الاجانب )
لاول مرة اعرف ان في انديه الدرجه الاولى لاعبين اجانب ؟؟؟
اللهم اني صايم
خالد الشايع - زائر
12:52 مساءً 2009/08/25
8
صاحب الرد رقم واحد ليس غريب علي جماهير الهلال الاستهزاء بمن يستغنون عنة والغريب ان اخر بطولة حققها الهلال كانت بهدف من راس المفرج ولكنكم هكذاء في نادي الهلال جاحدون للمعروف.
عبدالله الجهني - زائر
12:54 مساءً 2009/08/25
9
مدافع الهلال السابق عبدالعزيز المفرج
مو هذا اللي طبلوله الصحافة الزرقاء
وقالوا انه النجم القادم للكرة السعودية
وان الهلال ينجب افضل النجوم للكرة السعودية
ووو
ما عندكم الا الخراط
الله يخلي الفلوس اللي جابت لكم اللاعبين الجاهزين
عماد محمد - عضو
01:27 مساءً 2009/08/25
10
احسن قرار اتخذه انه ترك الهلال
م. محمد الوايلي - عضو
02:07 مساءً 2009/08/25
11
يااخي وش يحسون فيه هالنصراااويه
في كل خبر هلالي تلاقهم ناطين
شكله معجبكم المفرج وودكم فيه
خذوه تراه ترك الهلال ضموه مع عبدالغني عشان تكمل الدار ههه
مخلين لكم الوفاء ينادي الوفاء
وفاءكم خلاكم اكثر من عشر سنين ماشميتوا بطوله خخخ
maha - زائر
03:01 مساءً 2009/08/25
12
ايه كلها سنة ويروح للنصر
وليد الخضيري - زائر
03:10 مساءً 2009/08/25
13
والله دنيا يا المفرج هذا نهاية الهلال ولد النادي وينسقونك
وبعدين من زين نادي الرياض. كان رحت لسدوس احسلك لا واخر بطوله هو الي جابه ولا طقوله خبر لوانه ياسر كان ما نسوه
خالد عبد الله - زائر
03:18 مساءً 2009/08/25
14
أن متأكد انه يوجد خطأ مطبعي.. يعنى المبلغ الصحيح أعتقد أنه ثمان مائة ألف ريال.. عموما إذا كان الكلام هذا صحيح فأن الهلال قد خسر لاعب كبير وسوف يندمون على هذا القرار.. المفرج لاعب ممتاز بكل المقاييس وأنقذ الهلال في كثير من المواقف.. بالأضافة لألتزامه الدني المشرف.. ياليت كل اللعيبة مثلك في اخلاص
أبوهزاع - زائر
03:29 مساءً 2009/08/25
15
الله يوفق عبدالعزيز المفرج مع الرياض بعد انتهاء فترة اعارته للرائد لاعب خلوق ومتفاني للشعار الذي يرتديه ولكن يحتاج الى تطوير في القدرات شاهدته فترة الاعاره اكثر من تمثيله لناديه الهلال
اتمنى له التوفيق فالرجل يستاهل كل خير
احمد الهلالي - زائر
03:32 مساءً 2009/08/25
16
تراه عبد العزيز المفرج مو فهد
الخبر عن شقيق فهد الصغير عبدالعزيز اللي لعب مع الرائد العام
اكثر اصحاب التعليقات فاهمين انه فهد المدافع المعروف
كل هذا جوع من الصوم ولا انتم اصلا ما تركزون ههه
فهد المفرج راح للاتفاق ووقع معهم ب 800 الف ريال لموسم واحد ولعب معهم في بطولة النخبة
صحصحوا - زائر
04:21 مساءً 2009/08/25
17
يا حبي لكم والله
والله يا انكم طايرين بالعجه
قريتوا المفرج ومدافع وبالهلال
شبكتوا اسلاك الجوع كلها
واحلا شي النصراويه المتحمسين
الي جاب لكم طوله والي سوا سوا
وهذي نهايةالي يلعب بالهلال
ههه
تعيشون وتاكلون غيرها
:)
طايرين بالعجه - زائر
05:00 مساءً 2009/08/25
18
ههه
ياحليلك يالمفرج أجل نادي الرياض ههه
نادي لا يحترم ابناء ناديه لا تستغربون منه هالشئ.
تركِ? العيبانِ? - زائر
05:19 مساءً 2009/08/25
19
النصراويه عندهم حساسيه من الهلال... ما صدقوا على الله يسمعون المفرج طاروا في العجه..
الحمد لله يدورون اي شي على الهلال... بعيده عنكم الهلال نادي مثالي الله يذكر لاعبينكم اللي راحوا من ناديكم مديونين للنادي وللي يتشكون في قنوات خليجيه يدورون حقوقهم...
ههه
ابن الزعيم - زائر
05:34 مساءً 2009/08/25
20
ناس طايره بالعجه
اعرفو من فهد المفرج و من عبدالعزيز المفرج الله يهديكم
نيفيز - زائر
05:52 مساءً 2009/08/25
الارشيف | اتصل بنا | خدمةRSS | النسخة الكاملة | الإعلانات المبوبة