السلام عليك يامعوكس يقول الغامدي انه سيعتزل في الهلال، ماذا تفهم من هذا التصريح؟
- افهم انه نفس تصريح التايب العام الماضي وترقب محطته المقبلة!
• استاذ معوكس ماهي العوامل التي تساعدك على تجنب غضب الجماهير لو كنت صاحب قرار يامعوكس ؟
سويلم الدوسري
الحو طة
احط مستشار وكل صفقة فاشلة ألزقها بظهره. واسكت الجمهور وأسكت اللي حولي!
• متى ياصديقي معوكس يعود الجبلين والطائي للاضواء أحس أن المسألة طولت؟
راضي الشمري - حائل
مالك الا تغير اسمك (زعلان) لين يصعدون.. وبعدين شرهان على الصعود والقطة الفين!
• ماهي مرئياتك يابو العواكيس حول قضية الدوخي الجديدة؟
عوض الجابري
مكة المكرمة
- مرئياتي الازمة المالية العالمية تسببت في تأخراصلاح بعض الكباري والجسور!
• استاذي العزيز معوكس كيف تفسر استمرار ويلهامسون مع الهلال وهو لم يفده بشيء؟
يونس الهاجري
الدمام
- الرجال اعجبه مندي العريجا ومظبي الصناعية وصار لزقة جونسون وماقول الا ضاعت فلوسك ياصابر!
• لك كل التحايا ياصاحب القلب الكبير والنظرة الثاقبة والروح المرحة
اما بعد، لو كنت رئيساً لأحد الاندية ماهي برامجك ووعودك واعذارك للجماهير!
سعودي العمري
المدينة
- قبل بداية الموسم اقول ابشروا بالكيسان، واذا شفت الامور لك عليه عذر البناء جاهز!
• رفيع الذوق معوكس .. هل انت مع ما يفعله غيرتس بالهلال من تصرفات غير جيدة ابعدت بعض اللاعبين؟
نادر الزامل
الرياض
• الظاهر لعب فيك لهيب الرياض وأم العيال تبيك تطلعها إجازة ماقدرت وحطيت حرقتك بالرجال قبل يبدأ الموسم !
• تحياتي لك يادكتور الحش والتعليقات
ليش التايب قلب على الهلال وهو اللي يقول لن اغادره الا اذا اعتزلت؟
مشجع الهلال
سامي الضعيف
تبوك
- ابو ابراهيم يبي يعيش في آخر عمره وآخر مافكر به انت وناديك؟
• صراحة يامعوكس اثبت رئيس الاتحاد خالد المرزوقي انه عند كلمته يوم وعد بحل قضايا الاتحاد والدليل بيان لجنة الاحتراف اللي اثنى عليه ووصفه بالمتعاون على الرغم من ان الديون لم تكن في عهده؟
خالد سعيد المسلماني
المدينة المنورة
- بالفعل دكتور وانصحه ان لايثق ببعض الناس مرة أخرى بعدما اكتوى بنار وعودهم الوهمية!
• استاذ معكوس كيف ترى لاعب الهلال الكوري الجديد نتمنى ان لايكون مثل سول؟
من الان اقول لك على مسؤوليتي سعيد أخو مبارك
ابراهيم النعماني
نجران
ياسر القحطاني
• الأخ معوكس بعدالتحية
لو عرض عليك مبلغ مالي للمشاركة بدوري حواري بشهر رمضان هل ستشارك؟
اصدقاؤك محمدعبدالعزيزالقبيشي ومحمد ابوعلي
- تعتمد على هل هناك استثناءات في لائحة البطولة بحيث العب وانا متلطم والا لا؟
• صديقي العزيز معوكس
بعد انتقال التايب للشباب هل الشباب البطل بحاجة له فعلا؟
صديقك الدائم معاذالحميد
مرات
- وشولون ماهم بحاجته وهم اول مرة يشوفون الجماهير بكرة تطلع للمطار تستقبل لاعب عندهم!
• أخي معوكس.
استغرب أحياناً مقارنة الثنيان بماجد مع احترامي لماجد، الثنيان أفضل لاعب في تاريخ السعودية وأكثر لاعب رفع الكؤوس، كأس العرب وآسيا والبطولات المحلية والخارجية مع الزعيم، وأعتقد أن الفيلسوف والنمر والداهية والكمبيوتر هذه الألقاب لا أظن أحد يصل إليها بعد مرور مائة عام
سلطان العنزي-الخرج
- وانت على طول صدقت المقارنات والاستفتاءات التجارية الماسخة!
* يابوالعواكيس ياحلو حلمت اني اشوفك تسوق باص قديم فوق كوبري الخليج ولابس طاقية شبك مبسوط ومحمل ناس معك يهتفون وشهو تفسيره؟
بدر اليعقوب- القيصومة
ما قلت لي اللي راكب معاي الدوخي والا غيره؟
• الغالي معوكس مبروك عليك شهر رمضان
ودي توصف لي حال فهد المفرج مع الاتفاق إذا قابلوا الهلال وياسر القحطاني ضده ؟
- حالة افتك منك ومن بعض الجماهير اللي مثل تفكيرك!
متعب السهلي- الرياض
سعد الحارثي
• أخ معوكس
لدي اقتراح لك إذا قربت تتقاعد أن تبحث عن نادي يقدر اسمك وشهرتك ولا يعترف بشيء اسمه تقاعد ويوظفك في وظيفة تناسب إسمك وترزك في آخر عمرك ؟!
مالي الا اتصل ب(صديق) مادامه صديق المستشار!
سفير الحلة - الخبراء
عزيزي معكوس:
• صباح الخير بعد تم تجديد عقد ياسر اريد اسجل ابني عويس يلعب بجانبه وش رأيك؟
ابو محمد- المزاحميه
- ياسر عقب اللوك والعقد الجديد مايحب أحد يلعب جنبه!
عزيزي الأخ معوكس
وش رأيك في بعض المتزوجين اللي اذا جاء الصيف قالوا لزوجاتهم أن عندهم انتدابات في الخارج، وتراك أول المدعوين على زواجي ثالث أيام العيد في بيشة
ابو الجوري - بيشة
- كلها شهرين عقب زواجك .. وتقول لأم العيال ودوني مديري وداني دورة!
• لك مني اجمل وأرق تحية يابو العواكيس
بشرنا عن اصابة رمز فريقنا سعد الحارثي وماذا تقول عن شعبيته الطاغية؟
أبو مشعل نجم ويعود بالسلامة ويكفيه أنه أكل الجو على النجوم في فريقه سابقا وحاليا !
كورة لافة
- عاشق العميد .. بالفعل ظهرت الحقيقة، وأنكشف اياه!
- حمود الحربي ..ما استطيع اجيبك قبل 19 رمضان
- خالد الجماح ..وأنت صدقت على طول؟
- جمعة سعيد ..هذه المرة كان (الفيفا) صاحب الكلمة والا كان شفت علوم.
1
مشكووور
مبدع كالعاده
الجهوه بلازا - زائر
04:42 صباحاً 2009/08/14
2
معوكس الحبيب كيف الحال ؟؟
سؤالي هو : ويش رايك بصلعت ياسر الجديدة ؟؟ وسنونك الكبيرة ؟؟ وعواجير النصراويين ؟؟
سعيد أحمد - زائر
10:06 صباحاً 2009/08/14
3
شكرأ يامعكوس
وأنت الصادق مانصدق
المقارنات التجارية الماسخة
فلاعب مثل يوسف الثنيان
نجم فوق المقارنة مع أي لاعب سعودي آخر
مشعل المطيري - زائر
11:27 صباحاً 2009/08/14
4
عندي سوال : وشرائك في انظمام صديق والدوخي وعبدالغني للنصر هل لا زالو قادرين على فعل شي
بصبوص فريخ - زائر
12:52 مساءً 2009/08/14
5
ما أقول،،، إلا الحمدلله على كل حال قدر الله وما شاء فعل،،، الشعب عندنا رايح في العجة قسم بالله
أبو ناصر - زائر
01:33 مساءً 2009/08/14
6
ما تعليقك حول فضية أحمد الدوخي؟
أبو صالح - زائر
02:35 مساءً 2009/08/14
7
الآن صارت المسألة (( مقارنات تجارية ماسخة ))
ايه تف عليك حامضه :)
يوسف الشمري - عضو
03:17 مساءً 2009/08/14
8
كالعاده طايحين حش في النصر ومنسوبيه الله يعينكم على انفسكم ولكن القافله تسير بربانها الماهر. انشري يالرياض انا كان عندك مصداقيه.
حنكشه - زائر
03:31 مساءً 2009/08/14
9
أسخف من كذا ماشفت
أبوسالم - زائر
04:46 مساءً 2009/08/14
10
عن جد انت فللله صراحه مكانك مو هنا مكانك على خشبة المسرح مع طارق العلي
مسطرة نمله - زائر
06:11 مساءً 2009/08/14
الارشيف | اتصل بنا | خدمةRSS | النسخة الكاملة | الإعلانات المبوبة