معوكس صباحك فل وكادي، لو كان مدرب القيصومة أو مرخ وطويق موجود بالليلة الرمادية كان دخل تيسير وناصر الشمراني مع ياسر وهزازي وكثف الهجوم اااه منك يا بسيرو احلاله يا رفسة عزيز بس!!
بدر اليعقوب، القيصومة
- أما رفسة عزيز كثر منها!!
هاي معوكس.. أتمنى ان يستمر أحدهم بمداخلاته الفضائية؟
نصراوية حزينة
- لا تخافين مع أول برنامج تلقينه أول متصل!!
عزيزي معوكس بعد التحية.. هل تتوقع نجاح المدرب البلجيكي غيريتس مع الهلال الموسم المقبل؟
هشام الجطيل، الرياض
- حسب الواسطة في المعسكر!!
تحية إلى معوكس الجميل وبعد.. أبي أعرف ليه النصر صفقاته غير ناجحة وغايب عن البطولات لفترة طويلة ومع ذلك تلقى جماهيره يحضرون مبارياته؟
عاشق الهلال، أحمد صالح الماكر
- الصفقات هالصيف غير والوعد الدوري!!
مساء الخير أخوي معوكس.. وش رايك بنادي الشباب؟
تعابير، القصيم
- بمنصة وإلا بدون؟!
السلام عليكم تراني أول مرة أرسل لك يا معوكس.. صراحة ساعات أشوف اجوبتك وأقول إنك مغرور وساعات غصب أضحك وأقول إنك رايق الله يسعدك يكفي الصورة الشخصية لحضرتك ونعمن بمعوكس بعيداً عن الرياضة والكورة ووجع الرأس وبما أني ما أتابع إلاّ المنتخب وهذا إذا فكرت بعد تعرف البنات اهتمامتهم غير حبيت اسأل تكتب في المنتديات يعني لك في النت لأني ناوية أعمل معك كذا لقاء خفيف إذا ما عندك مانع وبس هذا اللي عندي على فكرة زاويتك بس تطلع يوم الجمعة..تحيتي
هديل، الرياض
- انا شارط اللقاءات حصرية لل CNN!!
أخوي أبو عواكيس.. ليش مدرب ضم الغنام (الهلال) الموينع (النصر) أفضل بمراحل،
سلمان العتيبي
- دربهم يا زاجالو وضم اللي تبي!!
تحياتي معوكس أنا أتمنى أكون أول من يبارك لك التأهل لكأس العالم.. هل تعتقد ان المدرب له فضل بعد الله في الوصول للمونديال؟
سعود الشريف
- إذا وصلنا علمتك!!
أخ معوكس.. ما رأيك في مباراة منتخبنا مع المنتخب الكوري؟
سفير الحلة، الخبراء
- منتخبنا كنه الهلال قدام أم صلال!!
قاهرهم وحابس دمهم معوكس.. تحية وبعد: من تتمنى ان يكون رأس حربة الهلال الموسم الجديد
بندر العصاي، عنيزة
- ما غيره أحمد البخيت!!
الغالي أبو العواكيس.. بعد التحية، هل تتوقع ان يعتزل عضو الشرف الشهير الرياضة كما صرح بذلك
عبدالرحمن الطويان، الرياض
- يعتزل إلاّ نسمت الكورة!!
دعوة سياحية، يا بو العواكيس يسرنا دعوتكم لحضور مهرجان القيصومة السياحي واختياركم عضو لجنة تحكيم لمسابقة «أجمل ضب لعام 2009م» وفرصة لمحبي عواكيس بالحفر والقيصومة مشاهدة نجمها المحبوب
أبو تحسين، القيصومة
- المشكلة الشقق والفنادق كلها فل!!
عزيزي معوكس بعد التحية.. لماذا عبدالغني غير رأيه واعتذر عن اللعب للنصر
عبدالله السنيدي، الرياض
- شكل مندي العريجا ما أعجبه!!
الحبيب الغالي أبو العواكيس، تحية وبعد.. أين المكان المناسب لمهاجم الهلال فهد مبارك
عبدالملك المرشد، الرياض
- معد في فريق الطائرة!!
السيد معوكس.. صباح الورد صعد المنتخب لأفريقيا الجنوبية وهذا إنجاز وتبقى الإنجاز الأكبر وهو تقديم عروض مبهرة مثل عروض 94 وأفضل قبل ستة عشر عاماً؟ أيام سعيد وماجد وسامي وباقي جيل العمالقة
عبدالله العبيوي، الرياض، حي المصيف
- صعد للملحق والله يستر ما يصير لأقرب خباز تميس!!
الغالي أبو العواكيس.. تحية وبعد، ما تلاحظ ان أبو عمارة ذبحنا مرة استقالة ومرة رجوع وآخرتها مؤتمر
صديقك، أحمد الجبر
- العتب على النظارة المفصولة بسبب الغياب!!
العزيز معوكس بعد التحية.. ليش النصر ودى باص النادي للحراج
مساعد العتيبي، الرياض
- علشان يكملون قيمة عقد السهلاوي!!
1
الصفقات الصيف غير والوعد الدوري أعجبتني هذي يالنصراوية
فالح العنزي - زائر
02:46 صباحاً 2009/06/26
2
العزيز معوكس بعد التحية.. ليش النصر ودى باص النادي للحراج
-- علشان يكملون قيمة عقد السهلاوي!!
! ! !
الظبياني الغامدي - عضو
03:14 صباحاً 2009/06/26
3
(( قطة المحياني ))
ابي اعرف كم وصلت انا اذكر رئسكم يقول 500 الف واعلنها في برنامج الجوله والحين ( رئيس الطاي ) كل ما اقرا جريده القاه فيها يصارخ يقول عجلو علي ياهلاليين ( كلها خمسه مليون ) ولكم ثلاثه اشهور ماجمعتوها
والرهيب جلستو تجمعون الدراهم على بالكم ( الاتفاق مثل الطاي ) الين راح
وحيد النصراوي - زائر
03:23 صباحاً 2009/06/26
4
اشوف الردود بهاثقالة دم يبدو ان معوكس دخل سن المعاش مع العلم ان الزاويه ذهب بريقها ولذلك يجب ان تقفل بالشمع الاحمر!!
ابوعبدالرحمن - زائر
03:24 صباحاً 2009/06/26
5
اخر وحدة قوية...
شكرا ابو العواكيس
العقل السليم - زائر
03:52 صباحاً 2009/06/26
6
معكووس صوبآحك قشطه
ماوجه الشبه بين كرستيانو رونالدو والسهلاوي :)
محمد العنزي - زائر
04:00 صباحاً 2009/06/26
7
معكوس السلام وش رايك بنادي الباطن افضل من القيصومه صح
ابو سميحان - زائر
04:02 صباحاً 2009/06/26
8
الهلال لو يبيع النادي كله ماجاب قيمة السهلاوي السويدي حقكم أكل الأخضر واليابس حتى دفعات موبايلي وحقوق النقل وقيمة التذاكر اخذها ويلي
ولاتنسى يوم يتقاطون اعضاء شرف الهلال ماجمعوا إلا خمسمائة الف ريال وبشهادة رئيسهم
كحيلان *** خمس نجوم 0
ابو و عد بريده - زائر
04:36 صباحاً 2009/06/26
9
الاخ معكوس خالف تعرف
سؤال: متى سوف يتأهل فريقك المحلي للعالمية ترى اشغلتونا من زمان كل شوي جاي رائيس وحاط في اولوياته العالمية
وفي الاخير يطلع من ام صلال والوحدة ومثل هذي الفرق الضغيفة ؟
متعب عبدالله - زائر
05:15 صباحاً 2009/06/26
10
ههه حلوة معوكسه عليك تنتيف بالنصر مو طبيعي
نبي لاعب زي طارق التائب! - زائر
05:26 صباحاً 2009/06/26
11
العزيز معوكس بعد التحية.. ليش النصر ودى باص النادي للحراج
مساعد العتيبي، الرياض
- علشان يكملون قيمة عقد السهلاوي!!
ههه
مخترع البوبينه - عضو
06:13 صباحاً 2009/06/26
12
اجل الدوري ذالسنة للنصر هاااه !!!؟؟
والله ما يحقق النصر الدوري لين يبيض الديك، ومو اي بيضة بعد، بيضة مثلثة وعليها شعار النصر الجديد.
مناور - زائر
09:11 صباحاً 2009/06/26
13
اللي اعجبتني ليش النصر ودى باص النادي للحراج..؟ عشان يكملون قيمة السهلاوي..ههه
sami - زائر
09:59 صباحاً 2009/06/26
14
اناعجبتني سالفة الباص
علشان يكملون عقدالسهلاوي
ههه
محمدالسهلي - زائر
10:46 صباحاً 2009/06/26
15
اقول والله لو انا من هالقيصومه كان شكيتك بالمحكمه بس احمد ربك اني قصيمي
ابوفجر - زائر
12:07 مساءً 2009/06/26
16
أسعدالله أيامك وأيام الجميع 0000
ابو العواكيس استمر واقهرهم ولا يهمونك وممكن يكون موعد اعتزالك اذا
نسمت الكورة !
اما سالفة الباص 00000 قوووية !!
ههه $$
معاند - زائر
01:18 مساءً 2009/06/26
17
كانو حاطين ثلاثين مليون علشان هداف الدوري الممتاز بس اضافو قيمه الباص علشان يجيبون هداف الدرجه الاولى ؟؟؟
بس برضو ما عنكم والخامس!!!
abunofe - زائر
01:19 مساءً 2009/06/26
18
ههه الله يرجك
اخر نتفه حلوه
سعد العتيبي - زائر
01:56 مساءً 2009/06/26
19
معوكس اخر جيل العمالقه ويازمان وش بقى ماظهر...
عبدالله الذيابي - عضو
01:59 مساءً 2009/06/26
20
يااخوان مستعد اشتري الباص بس اهم شي شدو حيلكم ولا ينزل النصر درجة اولى
نصراوي مااركب نيسان - زائر
02:17 مساءً 2009/06/26
الارشيف | اتصل بنا | خدمةRSS | النسخة الكاملة | الإعلانات المبوبة