أسهر لحتى الصبح يا بوك ينباج
كني على وقت المغازي رقيبه
اسهر بدون أصوات يا بوك وازعاج
وحالة سكون الليل حاله غريبه
وفي حاجتي ماني على الربع دواج
والطيب طيب النفس ما هي غصيبه
واصبر ويفرجها كريم وفراج
في ساعة فيها المواقف عصيبه
وإن حط دون المال ضبه ومزلاج
خطو البخيل وربي أردى نصيبه
يرزقني اللي قد رزق كل محتاج
اللي إذا ضاقت عليّ التجيبه؟
واصبر على قول ابن عمك إلى هاج
وتاتيك منه المخطيه والمصيبه
أصبر عليه وخله أغلى من العاج
تلقاه في يوم يعوضك بطيبه
والحق واضح له طريقه ومنهاج
ولا تحسب إن الكذب ينجي ربيبه
وإذا فلجت وصاحب الحق فلاج
ما هي على المفلوج نقص وغليبه
وان جاك هرج ناقله كل هلباج
هذا يسمونه نميمه وغيبه
وبعض الرجال تقول خرفان ونعاج
ومع المتاحي يدخلون الزريبه
وبعض الرجال إذا دروا والخبر راج
دون الرفيق سياج لو بان عيبه
مثل جبال طويق والهضب وسواج
وتزبنك ما هي سوات الجذيبه
ومر الحدج ما هم بقرص على صاج
وجمر على كبد العدو تنكويبه
وصدورهم عند الرخا مثل هداج
وعند الغضب ذيب يروع قنيبه
والتمر تلقى به حشف شين وخماج
والبن الاخضر علته في سريبه
فالح بن عويض بن سودان
1
الصبر عزم والمفارج كثيره
ليا ضاقة أطلب الله الخيره
وعليك بالشوير أستشيره
الشوير المحنك مع الخيره
مالك يجيك والباقي بعسره
نظم حياتك واعرف الجيره
والهرج لاتخوض في حثيره
والخوي الطيب خلك سفيره
ماتضيق إلا وعند الله الخيره
الصابر تجيله من الله جبيره
محمد.الزهيان العتيبي - زائر
07:37 صباحاً 2009/06/11
2
ماانتيب منى بذو الخير مذكوره
ذكرتنى ياحمام الورق خلانى
وادعيت لى دمعة بالخدمنثوره
حس عن النوم تالى الليل فزانى
فن على الطار شاله كل غندوره
(عبدالله السديرى)
النوخده - زائر
01:52 مساءً 2009/06/11
الارشيف | اتصل بنا | خدمةRSS | النسخة الكاملة | الإعلانات المبوبة