الرئيسية > خزامى الصحارى
المنصب العالي ونايف ولايف
يا زين صورة نايفٍ بالصحايف
ان قلت حر من شطار المخاليب
حر الحرار وطالع له شوايف
وإن قلت أسد يضرس بناب المغاضيب
وإن قلت قايد قوم للقوم شايف
وإن قلت شيخ من خيار المعازيب
الهم عالي والسراير نظايف
السعودة عنوان.. لا للأجانيب
وشلون يلقى للسعودي وظايف
بهدف يحقق لك جميع المطاليب
المنصب العالي ونايف ولايف
ما هو غريب إن كان نصبت تنصيب
ابو سعود بيوم يبس الشفايف
سبع على الصيدات يلتف ويليب
كان الشجاعة بالأوادم خفايف
هو مودع الارهاب شتى جناديب
شجاعته والله ماله وصايف
يدحم على الجمع المعادي ليا هيب
نايف على كل المراقيب نايف
نسل الشجاع اللي كفوفه معاطيب
اللي ولاها بالسيوف الرهايف
والعدل والإيمان والبذل للجيب
حبك تبنى بالضلوع النحايف
ايمر يجيك الشعب من غير تحسيب
أمن ولا بالشعب يبيت خايف
شعب موحد ماضي له تجاريب
في عهد منهو والمواطن حلايف
عبدالله اللي كمل الطيب بالطيب
وولي عهده كيف صافي وكايف
سلطان أبو خالد نزيه الأشانيب
نواف نهير العلوي الشمري