الرئيسية > خزامى الصحارى
يا ذا الأمل اللي أشوفك
يا ما بذلت جهود وجهود وجهود
واخلصت من قلب صدوق وصافي
وانا اعرف إن الصبر تاليه محمود
لكن تعبت من السنين العجافي
ويا الله يللي بامرك يورق العود
بعد اليباس يلين رغم الجفافي
يا المعطي الي خلقك بجودك تجود
يلي بعلمك عالم بكل خافي
تفرج لقلب دايم همه يزود
وعين لحلو النوم صارت تعافي
على أمل وتخاف ما هوب موجود
وتشوفه خيال حقوق متضافي
والناس كلٍ له مآرب ومقصود
أما تحقق أو ذرته السوافي
ويا ذا الأمل اللي أشوفك بلا حدود
مدري تبي ترسي بأي المرافي
أبطيت مبحر بين موج كما الطود
تكبر مع الأيام رغم الخلافي
وما خاب من يرجيك من رب معبود
متى احتفيبك وانت لي جاي لافي
تركي بن مدعج
1
كبير ياتركي بن مدعج.قصيده رائعه وشاعر كبير وقصايدك كلها جميله وبالتوفيق ياعتيبي
علي بن نايف القحطاني - زائر
07:54 مساءً 2009/01/07
2
قصيدة جميلة وتحاكي كل من لدية معانات الله يوفقك
ولاتبخل علينا بالجديد يا بن مدعج
صنهات بن بدر الظريف - زائر
12:04 صباحاً 2009/01/08
الارشيف | اتصل بنا | خدمةRSS | النسخة الكاملة | الإعلانات المبوبة