أعلن صندوق التنمية العقارية أسماء المواطنين الموافق على إقراضهم ضمن الدفعة (السادسة) من القروض المعتمدة للعام المالي 1429/1428ه. والبالغ عددهم (4903) مواطنين في مختلف مناطق المملكة مهيباً بالجميع البدء بمباشرة البناء بعد الانتهاء من الرهن وتوقيع العقود.
"الرياض" تنشر أسماء الممنوحين على موقعها الالكتروني (www.alriyadh.com).
1
والله لابطي ماجاني الدور
يمدحون بيت الشعر مطوي وباقي زهابة > مسك خط
الله يرزقنا من عنده
سعود حمود الدعجاني - زائر
03:22 صباحاً 2008/12/30
2
الحمد لله رب العالمين
امي قدمت قرض عام 1408 في حائل واليوم قالوا تعالى نزل القرض بعد 22 سنة من التقديم مع العلم ان المبالغ اللي دفعتها لتجديد فسح البناء صار اكثر من قيمة القرض لانه كل سنة ينتهي ويطلبون تجديد الفسح حتى لا يسقط الاسم من قائمة الانتظار !!!
لو وفرت فلوسه كان شرت برج المملكة هالحين !!! وعلى كل حال مابقى بالعمر شي يستاهل علشان الواحد يبني بيت !!!
مرزوق الشمري - زائر
04:21 صباحاً 2008/12/30
3
بالله عليكم هذا عدد كاف لقائمة طويلة ممن تقدموا سابقاَ او ممن يرغبون في تقديمهم على قروض من صندوق التنمية العقارية.
للأسف الشديد فيه خلل وخلل كبير جدا في هذا الصندوق في ظل ميزانية تاريخية بضخامتها وحجمها وفي ظل أن أغلب السعوديين يعيشون في منازل بالأيجار وهناك طلب هائل على المساكن.
والأكثر من ذالك هل وضعت دارسة جديدة لتعديل قيمة القرض الحالي كي يتناسب مع أسعار مواد البناء الحالية ؟.
الخلل كبير في دوائرنا الحكومية وبيروقراطيتها التعيسة يجب تعديل الكثير من قوانينها وأنظمتها الحالية القديمة.
أبوسلطان - زائر
06:57 صباحاً 2008/12/30
4
نسأل الله ان يبارك لهم في قرضهم
عبدالله البتيري - زائر
07:15 صباحاً 2008/12/30
5
السلام عليكم
لك الحمد يا رب
العبدا لواحد - زائر
08:19 صباحاً 2008/12/30
6
ياحبيبي راح عمري ونتم نايمين 15 سنه وين الناس ذبحها الجوع وبعنا الارض عشان الاسهم وراحت الاسهم ونتم توكم دفعات
ابو طلال - زائر
09:40 صباحاً 2008/12/30
7
وش هالظلم 20 و22 و15 سنه ولييش طيب يعني الحين لو بروح اقدم بعد ما اتزوج ان شاء الله وبعد بلوغ السن القانوني حقهم هذا يعني بعد 21 سنه بعدين لا قدمت ان شاء الله يعني بقعد 20 22 سنه مثلهم قطع قطع اقول والله لو تسلم هالإدارات من الفساد الإداري كان احنا بالف خير بس الناس اللي مايخافون ربهم ولا يحسبون لاحد حساب مصيرهم ينتظرهم يكفينا فسادنا الإداري بكل مكان الا ما رحم ربي شي يفقع التسبد ولكن لا حياة لمن تنادي
ولد شمر الرياض - زائر
11:31 صباحاً 2008/12/30
8
زين صرفوا للناس
الأسمري - زائر
11:33 صباحاً 2008/12/30
9
الرزاق في السماء استغفروا ربكم الحمدلله جا حق ابوي الدور بعد صبر كثير
صابر من أجل الجنة - زائر
11:36 صباحاً 2008/12/30
10
طيب الميزانيه فيها فائض كبير. ليه مايتم ايداع كم مليار اضافي فيها لان المبالغ هذي ماهي ضايعه والاستفاده منها متواصله على مر الايام وبتسهم في دفع عجلة التنميه
القروض مسترده... وبنحل ازمه السكن... والمواطن بيرتاح من مسأله الايجار
طيب وين الشي الي يمنعهم من ايداع شيء من فائض الميزانيه
خالد بن راشد بن عبدالعزيز - زائر
01:58 مساءً 2008/12/30
11
ابشرو بالخير الدعم خمسه وعشرون مليار لصندوق التنميه العقاري انامقدم من خمسة عشر سنة فرحت يوم شفت الدعم قلت بكرة اسمي بيطلع في الجرايد لكن ردد مطولك ياصندوق,
فهد - زائر
02:18 مساءً 2008/12/30
12
الله يعين الوقت طويل مره ممكن المنتظر يطلع اسمه وهو في قبره الله المستعان
فيصل_الوشم - زائر
02:30 مساءً 2008/12/30
13
طيب في ناس ماتعرف شي عن الانترنت وعن طريقتها
ارجو منكم ترحمون العالم هاذي وترجعونها على الجرايد كما في السابق
ابو عبد الله - زائر
02:55 مساءً 2008/12/30
14
وين الاسماء
الكحيلي - زائر
03:06 مساءً 2008/12/30
15
كم وصل الرقم
الكحيلي - زائر
03:08 مساءً 2008/12/30
16
الحمدالله خطوة الى الامام وعقبال ماتصير كيلو الا الامام ويالله ياصندوق التنمية اسمك اكبرمن همك وياليت بدل ماالقرض ثلاثمية ارفعوه بدل هالانتظار على الاقل اللي انتظر يفرح انه بيكمل بيته من القرض قبل ماينقرض
&بشرى وبشارة& - زائر
04:14 مساءً 2008/12/30
17
ترى صبرنا وصل حده ياصندوق التنمية وذبحتنا الايجارات وجشع اصحاب العقار
& تركي العياف & - زائر
04:45 مساءً 2008/12/30
18
أيه أظاهر أني ب موت أنا وعيالي و عيال عيالي و عيال عيالهم..
وما جانا الدور..
والله تعبنا من الأيجار.. و رواتب ما تسوى..
لكن ما نقول : غير الحمد لله على الصحه و العافية
تركي - زائر
05:05 مساءً 2008/12/30
19
اتمنى من خادم الحرمين ان يزيد عدد الارقام التي تنزل سنويا
لان كثير من الناس لايملكون منازل
وهذه ابسط حقوق المواطنين
حفظ الله المملكة وملكها
متعب مدغلب الحريجي - زائر
05:08 مساءً 2008/12/30
20
وش عقبه بعد مات أغلب المقدمين على صندوق التنمية العقاري والله شيء يحز بالنفس المسألة كلها أن القرض ما يتعدى 250 ألف يعني ما لها داعي يماطلون بالمواطن وش الفايده من هالقرض طالما بعض أصحابها تحت الثرى.
محمد بن إبراهيم - زائر
06:04 مساءً 2008/12/30
الارشيف | اتصل بنا | خدمةRSS | النسخة الكاملة | الإعلانات المبوبة