تأخرت رحلة القطار القادمة من الدمام والمارة في محافظة الاحساء والمتجه إلى العاصمة الرياض مساء يوم أمس الأول.
والتي كان على متنها 117راكباً وراكبة من مختلف الجنسيات وكانت فترة العطل تجاوزت الثلاث ساعات والنصف بسبب عطل مفاجئ في القاطرة رقم (5) والتي كانت في رحلة اعتيادية من والى المحطات المذكورة. حيث توقف القطار على مسافة تبعد عن الاحساء مايقارب الساعة والنصف مما استدعى الأمر إلى استدعاء عاجل لقطار آخر قادما من الهفوف ليكمل رحلتهم إلى الرياض وقد وصل القطار رقم (7) قادما من الهفوف واقلهم إلى العاصمة الرياض لتصل الرحلة لمدينة الرياض حوالي الثامنة والنصف مساء يوم الأحد والتي كان من المقرر وصولها في الرابعة والنصف تقريباً من عصر يوم الأحد الماضي.
محمد أبوزيد المسؤول الإعلامي بالسكة الحديدية ذكر بان القطار رقم (5) كان في رحلة مجدولة من مدينة الدمام إلى العاصمة الرياض وقد حدث عطل مفاجئ له بالقرب من خريص فتم إرسال قطار آخر من محطة الهفوف وهو القطار رقم (7) والذي أكمل الرحلة لمدينة الرياض وذكر بأنه خلال فترة التوقف قدمت بعض المشروبات وقدمت التسهيلات اللازمة لعموم المسافرين والمسافرات والذين كانوا على متن تلك الرحلة التي تعثرت رحلتها في منتصف الطريق
1
خوش والله خوش
03:53 صباحاً 2008/12/02
2
مافيه شي جديد؟؟!
03:56 صباحاً 2008/12/02
3
يجب استقالة (الآدمي) اللي ماسك السكك هذا عار وعالة على وطنه اجل دولة كبر 20 دولة مافيها الا قطارين ويتصادمون بالشهر مرة.. اطلع من مخي ياشيخ عيب عليك ماسك منصبك
04:26 صباحاً 2008/12/02
4
ما عندنا الا قطار واحد..و من زينه عاد..
معقولة بلد بهالحجم ما فيه الا قطار واحد بس ؟ فعلا عالم ثالث الله يكون بالعون..
04:30 صباحاً 2008/12/02
5
انا رايحه يوم الجمعه من الهفوف لين الرياض المفروض اوصل قبل
بس صار فيه عطل في القطار وقعدنا لين الساعه 7.30 بالليل
والمفروض نوصل قبل لأني راكبه القطار الساعه 2.10 الظهر
05:57 صباحاً 2008/12/02
6
هو كل اللي عندنا قطار واحد لا ويتعطل بعد
06:26 صباحاً 2008/12/02
7
يمدحون السب وايsubway
06:41 صباحاً 2008/12/02
8
( ( تأخرت رحلة القطار القادمة من الدمام والمارة في محافظة الاحساء والمتجه إلى العاصمة الرياض مساء يوم أمس الأول))
الحين الي يشوفك توصف كذا الله يهديك يقول ان في السعودية 1000 قطار
ترى ما عندنا الا قطار واحد ولا بعد تغير شكلة
06:48 صباحاً 2008/12/02
9
والله من الحرص على سلامة الركاب
06:52 صباحاً 2008/12/02
10
قطار واحد وقديم وهذاهو خربان
عز الله فلحنا
مته راح يتم بناء شبكة قطارات سريعة بين مدن المملكة
وتكون القطارات عالية الجودة
احنا مب اقل من غيرنا
الدول الفقيرة عندها قطارات تربط بعضها ببعض وحنا الله رازقنا لكن ما سوينا زيهم
06:57 صباحاً 2008/12/02
11
ارجو الاهتمام بوسائل النقل العامه
07:01 صباحاً 2008/12/02
12
اي مشروبات واي تسهيلات.
قطار له اربعين سنة ما تغيرت عرباته.
ريحة حماماته خياس في خياس.
سندوتش البيض فيه بثلاثة ريال ؟
والبيبسي بريالين.
اخلاق موظفين المحطات زفت في زفت ؟
وصاجينا بعد.
حسبي الله عالظالم وبس ؟
07:09 صباحاً 2008/12/02
13
القطارات متهالكة
07:11 صباحاً 2008/12/02
14
مصدقين ان فيه قطار الله يرحمنا برحمته
07:29 صباحاً 2008/12/02
15
عندنا قطار اول مره اسمع ذلك!!!
07:46 صباحاً 2008/12/02
16
ياليت تتعلمون من اوروبا وتشوفون قطاراتهم المتطورة وتسون زيها
07:55 صباحاً 2008/12/02
17
وش فيكم ياجماعة الخير كلكم زعلانين من القطار تره قضاء الله وقدره لا تزعلو ولاتحرقو اعصابكم في مفاجأه حلوه بس مهو الحين بعدين
08:09 صباحاً 2008/12/02
18
ياخي من خبرت نفسي وأنا ما عرفت شكل القطار اللي عندنا إلا يوم رحت له وشفته...
أستغفر الله العظيم كنت أشوفه في أفلام الكاب واي...
طبعاً اللي عندنا يستخدم لحاجتين:
1- نقل الأوادم.
2- نقل البظائع.
بصراحة هذا الشئ الوحيد اللي لازم يتطور ويأخذ بعناية لأنه راح يخدم أشياء كثيرة ويخفف من المخاطر..
ياخي خلوني وزير المواصلات والله لأخلي اللي ما يحكي يتفرج. مثل جديد
08:29 صباحاً 2008/12/02
19
طيب ما التعويض المادي والمعنوي ورد اعتبار وارضاء العميل
طيب ما التعويض المادي والمعنوي ورد اعتبار وارضاء العميل.
طيب ما التعويض المادي والمعنوي ورد اعتبار وارضاء العميل..
شي عادي كل شي قديم طائرات و قاطرات وعبارات (سفن) وكل يوم فضايح
08:32 صباحاً 2008/12/02
20
انا والله ماعمري ركبته بس سمعت انه يشتغل على الفحم صدق والا لا؟؟
08:41 صباحاً 2008/12/02
21
والله يا ناس اني ما ابا لغ
اني الحين ان صدمت اني يوم قريت الموضوع قطار
انا ناسي ان موجود قطار عندنا والله اني ناسي
09:02 صباحاً 2008/12/02
22
يا جماعة خلينا نكون منصفين.. انا اعتقد اللي يتكلم عن عربات القطار انها متهالكه ما عمره ركب القطار في السنتين الماضيه و لا يعرف فين المحطه اصلا". في عندهم درجة الرحاب من افخم ما يكون. مشكلة القطار انك لازم تشتري التذكره من المحطه قبل السفر ب 24 ساعه. والمشكله الثانيه هي البطئ. يعني من الرياض الى الدمام 5 ساعات. التزامهم بالمواعيد جدا" ممتاز. ويبقى في رأي الشخصي افضل من قرف طيارات السعوديه وسما. مافي حجوزات وتأخر في الرحلات. اسف على الأطاله.
09:03 صباحاً 2008/12/02
23
والله اللي يسمع هالكلام يقول عندنا قطار صحيح
بعدين يوم تعطل ورا ما يسحبونه بسرعة الى اقرب محطة
بصراحة القطار عندنا بائس
09:03 صباحاً 2008/12/02
24
الحين ورى ما تزبرقون شكل القطار دامكم ماراح تغيرونه
حطو عليه لصقات وغطا للشكمان خ
عادي اذا بتركبون له جنوط
اقسم بالله اركب مع الكداده حقين الخطوط اسرع من القطار والطياره
خدماتنا في السعودية غير عن باقي الدول
احنا عندنا الخدمات 5ستارز
09:05 صباحاً 2008/12/02
25
قصدهم باص ابو ريالين ابو خط برتقالي.
(دلة- العليا) او (البطحاء- المطار القديم)
09:10 صباحاً 2008/12/02
26
يا اخوان القطار من مخلفات الحرب العالمية الثانية واستخدم في الحرب التركية
والانجليزية، وقد جدد طلائه ومكائنه ومراتبه وتم شرائه لعمل بقية حياته على
طريق الدمام الرياض، فكما نعلم ان اخر شي يهم مسؤلي هذا البلد هي صحة
وسلامة المواطن.
عموماً الامر عادي وسنستمر على هذا الوضع 30 سنة وبنفس القطار ونفس
وسائل النقل المقادمة الامر المحير اننا في اغنى دولة في العالم !
09:51 صباحاً 2008/12/02
27
لو يحطون قافلة ابل والله احسن لهم على الاقل تشم هوا نقي ومافية راكب على الرحول الى انت يعني درجة اولى
09:57 صباحاً 2008/12/02
28
لا شئ جديد كل يوم وعطل
قطار حل عليه الحول وباقي يستخدمونه ودولتنا أغنى دولة وأكبر دولة مصدرة للنفط وهذه حالتنا
الله يخلف بس
10:02 صباحاً 2008/12/02
29
القطار عار على الوطن.
و لكن الى متى ؟
10:24 صباحاً 2008/12/02
30
ركبته مره وحده قبل 7 سنوات وحرمت بعدها أركبه لعدة أسباب
1 متهالك جداً وأعتقد أنه من عهد الملك عبدالعزيز الله يرحمه
2 يوم أركب كان التكييف خربان
3 خدمات جداً سيئة بما فيها الأكل ومع انه كل شي غالي
4أخلاق موظفين سيئة
5 بطيء وصوته قوي
ومدري وش ألي يمنع مايصير عندنا قطارات زي اليابان والصين وأوروبا ومع أنه دولتنا بس تبرع واحد لدولة اخرى يكون أحياناً فوق مليار واحد واعتقد بهالمليار تقدر تشتري أقل شي قطارين من هألي باليابان وتزين لك سكتين حديد إلى عرعر مهب بس الرياض
وشكرا للرياض
10:24 صباحاً 2008/12/02
31
والله مسكين هدا القطار يبي الفكه من عهد سفينة نوح
10:34 صباحاً 2008/12/02
32
بلادنا غنيه بالنفط والأقتصاد القوي ولله الحمد بس عندنا مشكله بالقطار يعني نشتغل عليه من اعوام وكأننا في مصر بس مكيف وبطيء الواحد يروح مره ولا يركبه الى المظطر نبي بس يشتغل على فحم اسرع منه يمكن والله صراحه مشكله يعني ما نقدر نجيب قطارات اسرع من هذا واطور ليه مدري كله صيانه ويالله مشي الشغل طيب انتو طلعتوا قيمته دبلاات
10:44 صباحاً 2008/12/02
33
الى صدق بسال اهو عندنا قطار بالسعودية ؟؟
10:50 صباحاً 2008/12/02
34
ضحكتني يافراس الله يهديك وانا صايم
حج سعيد
11:17 صباحاً 2008/12/02
35
الله يخلف علينا ترى ما فيه الا قطار واحد يعني اكيد بيحرب
11:44 صباحاً 2008/12/02
36
المفروض ماتحطون مثل هذا الخبر
الخبر الغريب لما يمشي القطار في وقته هنا حطوا خبر حتى نستغرب حدوثه
لكن التأخر والاعطال هذي متعودين عليها ونعتبره من ضمن خطه السير اليوميه :)
12:05 مساءً 2008/12/02
37
لاحول يوم جيت اسافر يخرب القطار والله نحاسة
12:50 مساءً 2008/12/02
38
أولا : قال المسعول الإعلامي أو مدير العلاقات العامة ( تم تقديم التسهيلات للركاب، ماذا يقصد بالتسهيلات، والركاب محتجزون داخل العربات ؟
أليس من اللائق في مثل تلك التصاريح تقديم الإعتذار أولا بدلا من التعليق الرسمي المعروف نصه.
لماذا لم يصرح المسؤول الأول في السكة، واعدا بتحسين الخدمة ؟
نظام السكك الحديدية لدينا ( قطار + خط ) من موديلات الخمسينيات، وكل ما يقدم عبارة عن تغييرات في الديكور.
نادى المخلصون من أبناء البلد بإنشاء قطارات حديثة سريعة مثل ما هو موجود في الدول المتقدمة
01:15 مساءً 2008/12/02
39
اتمنى من ابو متعب الغاء هذا القطار
لانه بصراحه فشيله على اكبر بلد منتج للنفط.
بالله وش فيه من تكنولوجيا علشان يتعطل.
كوم حديد على كفرات
02:43 مساءً 2008/12/02
40
غريبه !!؟ انا اعرف ان القيطارات الموجودة في السعودية جديدة ومديل2009، أنا اذكر يوم اني بالقطار من الرياض الى جدة قطعناها بسعة ونص وكانت من احسن القطارات في العالم وافضلهم من ناحية الشبكة الحديدة الموزعة بين مدن ومناطق المملكة.
قويه صح (;
03:28 مساءً 2008/12/02
41
الحمد لله انه وصل
03:47 مساءً 2008/12/02
42
للحين عايش القطار؟
03:57 مساءً 2008/12/02
43
السلام عليكم...لاجديد في الموضوع فالقطارات قديمة وبالية...المفروض يتم خصخصة المؤسسة العامة للخطوط الحديدة...2- لماذا لايوجد لدينا ثقافة إحترام الوقت...
05:52 مساءً 2008/12/02
44
بصرآحه { قطآر لا يعلى عليه }..
بس أحسن مافيه.. إذا ركبت { اتذكر أيام الطفوله }..
أحس إني جالس اتابع { وداعا ماركووو }..
لعنبوٍ ابليسكم هذا قطاار..!؟
يعني هالحين وفي { عصر السرعه }.. تتوقعون فيه قطآر يمشي { 80 } كم /ساعه
بصرآحه مو مستغرب أنه يتعطل في أي وقت.. وإنا مادري ليه الناس باقي متحملينه..
* سآمحوني ياجريدة الرياض.. بس تحمست :(
07:47 مساءً 2008/12/02
45
ايه يشتغل على الفحم.. اذا بغيت تركب جب معك خيشه فحم ته
08:35 مساءً 2008/12/02
46
صدق طاش ماطاش
08:35 مساءً 2008/12/02
47
تصدقون يا جماعه إني مشغل خدمة gps في جوالي وانا في القطار فشاهدت سرعته 90 كلم بس.. وقبل سنتين انا قاري خبر في جريدة الحياه أن سرعة القطار صارت 220 كلم !
02:06 صباحاً 2008/12/03
48
راحووو فيها شعت الجامعات خ
02:17 صباحاً 2008/12/03
سجل معنا بالضغط هنا