في سوق الأسهم علة باطنية
ما شخصوها في جميع التحاليل
المشكلة ماهي ظروف أجنبية
المشكلة بالسوق جملة وتفصيل
المشكلة يا ربعنا داخلية
يلعب بنا الهامور لعب المصاقيل
النقص بالألاف والزود ميه
والناس تركض لين بيد بها الحيل
كم ناس راحت من سببها ضحية
عقب العقل صارت خبول ومهابيل
وعقب الغناة اليوم حال زرية
المال راح وكملن المحاصيل
وعقب السعد والعز صاررت شقية
مكبلين بقيد الأقساط تكبيل
هني من لاقرب الأسهم هنية
وهني من لاطب سوق الدجاجيل
سوق العنا سوق الفلس والأذية
سوق المشاكل كلها والغرابيل
سوق به الهامور كسب القضية
دلا يبيع ويشتري فالرجاجيل
الناس في نية وهو بألف نية
يملا الدلال ولا يصب الفناجيل
مثل السحاب اللي بروقه قوية
لكن قطره ما يبل المساييل
سرا ب بقيعة وشمس لظية
يبست شفايا الناس من حامي الويل
يامن لهم بالسوق لوهو شوية
لاتطلقونه في يدين المحابيل
لاتكسرونه بالعروض الردية
خلوه يبقى لليال المقابيل
لعل في يوم تثور المطية
والصبح يطلع من رحم داجي الليل
محمد ابراهيم الأمان
1
السوق يباله صناع قرار
يرسون مع الميلات بالمال
مابهم واحد إلا صانع قرار
بيده الحل يملك المال
لاهوب هامور ولاسمسار
عنده يقين بمكسب الحلال
قنوع يخاف ربه قبل الاقدار
مايحط بيمناه غير لقمة الحلال
محمد.الزهيان العتيبي - زائر
01:50 مساءً 2008/11/09
2
القصيدة الأولى رائعة وصح لسان قائلها أما القصيدة الثانية فكيف الحال كالعادة!
عبدالله العتيبي - زائر
04:01 مساءً 2008/11/09
الارشيف | اتصل بنا | خدمةRSS | النسخة الكاملة | الإعلانات المبوبة