الرئيسية > خزامى الصحارى
نديم المشاعر..!
يا هاجسي ودي أن فاحت تقهويني
أفهق ضلوعك لضيفك صافي النيه
ما فيه غيرك إذا ضاقت يسليني
ما دام دلة عيون الزين مركيه
فنجانك اللي تمده لي ويحييني
مدة مواجيب للروح الخلاويه
لولا.. الوفا للي على ما قيل حاديني
والا.. الهوى حالف ما جيب طاريه
يا حي صوت من أعماقه يناديني
مبطي وأنا أقول حي الصوت يا حيه
سميته الروح مدري وش يسميني
وأغلا.. الاسامي إذا.. جت لا شعوريه
قلبي شمال وجنوب الشوق يدعيني
دعوة قوانيص لطيور نداويه
المعذرة والسموحه يا عناويني
عذوبة الجرح بين أضلاعي معيه
قم يا نديم المشاعر.. لا تخليني
ما بين واقع وبين أحلام ورديه
خذني على وين ما ودك توديني
وانثرني أشواق بدروب الهواويه
سجه مع مورد.. الخدين تكفيني
وتحلا.. المشاوير.. لا عنيت رجليه
يا قسمة العدل ما بينه وما بيني
الله قسم لي دروب غير.. ممشيه
كنه خلقني على طبعي وتكويني
لعيونه اللي تنطحني الشماليه
الموت لا من زعلت وجا.. يراضيني
يصير.. مثل الشموع يذوب حنيه
وين الخسارة أجل لا ضاعت سنيني
لا.. صار حبي كذا.. صدق وشفافيه
ما دام هذا.. هواك وجاك يا عيني
قدام عينه اسلم وارفع أيديه
1
صدري مايضيق ولاتهمه الاقاويل
يوم البعض يضيع ويضيق صدره
لو منت حوله تكبر عنده التهاويل
يشك بالصادره والوارده وين فكره
كنك جالس له بمرقاب معك دربيل
يتهمك وانت بعيد عنه وعن مصادره
يوش لك وش ثعبان حاقد بالحيل
وانت لاتعرفه ولالك عنده مدوره
المعذرة والسموحه ياعناويني مثل ماقال الشاعر
المبدع عيد الملاح تحياتي
محمد.الزهيان العتيبي - زائر
05:19 صباحاً 2008/11/04
2
بين قصيدة الشاعر/عيد الملاح وخربشات محمد الزهيان كما بين الثرى والثريا!!
عبدالله العتيبي - زائر
03:33 مساءً 2008/11/04
3
ما لاتراه العين لايأسى عليه الفؤاد
الآمراض العضالة تقتضي
علاجات يائسة
محمد.الزهيان العتيبي - زائر
06:58 مساءً 2008/11/04
الارشيف | اتصل بنا | خدمةRSS | النسخة الكاملة | الإعلانات المبوبة