عيشة فقير محتفظ بالكرامه
تسوى معيشة تاجر في مذله
يقوله اللي صادق في كلامه
شاعر وله فالشعر مذهب وملّه
شاعر وشعره فارضه باحترامه
ويحسب احساب القول لا يجيب زله
احدً يوطى الراس مثل النعامه
من شان يرضي واحد ما حصله
ينذل لو انه عزيز مقامه
ويصغر بعين الناس وعيون خله
وحدً كساه الفقر والوقت ضامه
ما يشتكي لناس مما حصله
لو اشتكى لناس ما به ملامه
لكن شكى لمسيّر الكون كله
هذا عزيز النفس مرفوع هامه
واللي يذل النفس نفسه تذله
بدر ذيب القحطاني
ضرماء
1
الناس راحت واغتنت وصارت في العلالي و انا وياك متمسكين بعزة النفس
عبد العزيز عبد الله الدوسري - زائر
06:43 صباحاً 2008/09/21
2
تسلم ياشاعر "العزة "
أبيات حلوة وجميلة لكن,
وقتنا الحالي يحتاج إن نحن ندمج ثلاث أشياء مع بعضها البعض عشان نرتاح الى هي :النفس العزيزة + الشطارة + اغتنام الفرصة عشان نحصل = العيشة الهنية
عشان جذا لازم ما نوقف الزمن على النفس العزيزة بس ,,,
مريم الشميلي - زائر
12:14 مساءً 2008/09/21
3
صدقت يا بدر
فعلا كلماتك وابياتك عبرت عما بداخلي
انا الحمدلله من ناحية الفلوس بخير
بس عندي عزة نفس عن الواسطة
الكل بحاجة لواسطة وكل الأمور ما تمشي الا بالواسطة
لكن عزت نفسي تقف حاجز بيني وبينها :(
زهرة اللوتس - زائر
08:27 مساءً 2008/09/21
4
ياالله أني دخيلك من به شر
من أعتراه بليس حظه ردي
نفسه مريضه زاد شره قشر
مريض النفس به عله مشردي
وعزيز النفس رافع الراس عن الهذر
مايلحقه بنفسه شك القهر لردي
محمد.الزهيان العتيبي - زائر
08:31 مساءً 2008/09/21
الارشيف | اتصل بنا | خدمةRSS | النسخة الكاملة | الإعلانات المبوبة