1

الحين الحلاقين الهنود و الكشميرين يحلقون بسعر الامانة اللي هو 5 ريال
طب ليش الاتراك و المغاربة يحلقون بعشرة ريال و شكرا لكم

2

طيب ليش الواحد ما يحلق دقنة بالبيت
ويحلق شعر راسة بالحلاق
ويريح نفسة
لو انه حلق بالبيت بيوفر فلوس و وقت
وانظف له واريح

3

شوفوا لنا حل بشمال الرياض
حلاق تركي كنت احلق بخمسه صارت عشره والحين خمسة عشر ريال!!
بعدين خلوهم يسترزقون مثلهم مثل تجار الارز والمواج الغذائية والصناعية
الحلاقين ارتفعت اجارهم لهم حق يرفعون السعر

4

تعالوا شوفوا الحلاقين بحي شبرا.
امس دخلت حلاق وقلت له ليش ما فيه موس جديد ما تعرف نظام البلديه الجديد
قال خلي ولي بلديه قرقر بس
كل حلاق ما فيه بدل موس ما فيه فائده خساره
انا سبعه سنه في سعوديه معلوم نظام
حتى الهندي يعرف ان البلديه كلام بس ما فيه متابعة

5

حلوو وألله عليكم بهم.,.
وياليت تواصل الامآنه متأبعه ألأسعار تخيل احلق دقن ب 30 ريال :)

6

احسن شي كل واحد يشتري له موس ويحلق في البيت
والشعر مره كل شهر مثل ما انا اسوي
وخل الحلاقين يتكلمون
سبحان الله وبحمده سبحان الله العظيم

7

السلام عليكم
نشكر الاخوه المطالبين بهده الشروط للحلاقين. تعليقي هو اننا بحاجه الى منع حلاقه الدقن في هده الصالونات وتخصيص حلاق او اثنين في كل حي بدلا من عشره.

8

اخس يالاتراك والله وقوة شوكتكم تبون ترفعون السر عشان موس بريال انا من زمان استخدمه اجيبه معي وعطيه الحلاق بس يبون اي عذر ولا هنا اختلاف ابد الا يركبه بنفس اداة الحلاقه

9

نظام حلو اتمنى انه يطبق والجميع يعمل به

10

راحو فيها بس تبون الصراحة كذا افضل وياليت يطبق بكل المناطق وليس الرياض فقط.

11

راح يرفعون الاسعار وماراح يصير لهم شي تعودنا على كذا

12

طيب كل واحد ياخذ عدته معه... وإلا يسوي له صندوق خاص فيه مثل اخواني..
والمفروض الواحد يتعلم كيف يحط سكسوكته بنفسه مايحتاج يروح للصالون...
شعب اتكالي !

13

رغم تخبطات امانة الرياض الواضحة (مثل زراعة الميادين بالثيل والاهتمام بالمسرحيات والطرطعان في العيد وترك التطوير الحقيقي مثل التجميل والرصف وتحسين الشوارع ومعاقبة المخالفين الي يفتحون بيراتهم في الشوارع)
اللي يعجبني فيهم رغم هذا كله انهم اذا قالو شي نفذوه
يعني قول وفعل مثل ما سووا ايام لوحات الاعلانات في الشوارع ومكاين الصراف ركعوا اكبر روس في البزنس

14

ألزمنا جميع صوالين الحلاقة العاملة بالرياض باستخدام الأمواس ذات الاستعمال الواحد
+++
تعال جنوب الرياض وشوف

15

المفروض كل واحد منا عنده عدة الحلاقه في بيته ويرح نفسه من مشاكل الحلاقين

16

السلام عليكم ورحمة الله وبركاته
خطوة تشكر عليها الادارة العامة لصحة البيئة
نعم أهم شيء حياتنا وصحتنا , " نعمتنا مغبون فيهما كثير من الناس الصحة والفراغ "
وفيه ناس يستخدمون نفس الامواس من الاجانب الذين ينقلون الاوبئه وكذلك فئة تحمل الامراض منها الخطيرة مثل الايدز
وانا احرص ونتمنى ان نفعلها كلنا مره واحد نشتري أغراضنا الخاصة ونضمن سلامتنا بأنفسنا
فلا يعني اهتمام الادارة بنا ان نهمل انفسنا ولكنهم يجتهدون
تحياتي للجميع

17

اهم شي التفتيش عليهم بالستمرار.

18

توكم تصحون بعد ماانتشرت هالامراض اللي تنتقل عن طريق الدم والادوات الشخصيه مثل مرض الكبد الوبائي والايدز وغيره

19

الله يبعد عنا جميع الامراض ويحفظ بلادنا
الحلاقه في امريكا وخصوصا الدقن غير موجود.
المفروض كل واحد عدته معه للحلاقه

20

محلات الحلاقة بحي النظيم لاتتبع التعليمات والا الامس القريب وهم على الطريقه السابقه كلهم ماشفنا تغيير غير بالاعلان بالجريده على ارض الواقع كلهم على نفس الطريقة القديمه
ياالامانه هذا نداء لكم حي النظيم باكمله مخالف ارسلو اي فريق منكم لاي حلاق ونتم تشوفو هذا اذا ماكنتو تعرفو اصلا وساكتين !