(سوسو النصراوية)

- البيانات لحالها تكفي يا سوسو

@ أخ معوكس: كيف وافق الاتحاد الآسيوي على إقامة دوري المحترفين في السعودية بالرغم من أن ملعب الحزم لا يتسع إلا لألفي مشجع فهل يعقل هذا الشيء؟

سفير الحلة - الخبراء

- ينتظرون هبوطه للدرجة الأولى.

@ يا أخوي يا أبو حنك، والله إن البنات مومثل بعض فيهم مدلعات بس يعرفون يخدمون أزواجهم وأحلى من نور واليسا وبعد نانسي، بس كل واحد وحظه، في ناس ما تستاهل وتآخذ زوجات ولا أحسن منهن - احم عكووس قولك شي!

بنت - مجنونة

- اسمك يدل على نوع السؤال.

@ الناقد معوكس سلمه الله: بعد استعداده القوي وعقده للصفقات المدوية هل سنرى الأصفر البراق (النصر) يكتسح بطولات الموسم؟

بدر فهد السريع (ريفو الصغير)

- في ظل وجود "ريفو الصغير" قصدي التون.

@ أبو العواكيس أنا أكره أتابع المباريات في البيت علشان البنات صجونا الله يرحمه إلي اخترع المطبخ.

"طايح من الصطح"

- من كتابة "السطح" دريت إنك خامس ليلي

@ يا أستاذ معوكس أنا معجب بزاويتك لكن ياكدلك الظاهر انك آخذ الدعوة استهتار ليش. ادري ان رسالتي بسلة المحذوفات.

خوك - أبو أحمد - الرياض

- أجل أنت كامري بابين.

@ هلا وغلا بمعكووس حبيت أسألك سؤال بس - ليس ممنوع للبنات يحضرن المباريات؟ على الأقل كان يوم حفل اعتزال الأسطورة (ماجد عبدالله) خلو البنات يحضرن مع أني شفت المباراة في البيت بس ولو اشوفها عالطبيعة أحلى - المفروض يخلون البنات يحضرن المباريات ابتداء من السنة الجاية ياويلك ان ما خلو البنات يحضرن (خاصة النصراويات) أهم شي أوكي.

(نصراوية بشهادة عالمية)

- على أن تقام المباريات في المطابخ ووسط الصحون والملاعق؟

@ الأخ رجل الأعمال المليونير معوكس: اكتشفت من واقع ردودك بالكتابة أنك كنت سابقاً عاطل وفاضي وما غير نوم ودوران وتعليق على الناس صح...

أخوك أبوداحم الزومان - بريدة

- وأنت كنت من ضمن شلتي. . ونسيت يوم نتقهوى بشارع الخبيب!

- السلام عليكم وش فيهم هالبنات يطاردوننا حتى في الكورة لكن الشرهة ما هي عليهم على هاللي جابو الشغالات وصاروا أنواع الفراغ!

أخوك: مشعل بن عبدالعزيز الحبيب - الرياض

- ولا يهون تسدحكم في الاستراحات.

@ السلام عليكم أخ معوكس حبيت أسألك بس ليش ما يلعبون الذابح (سعد الحارثي) أساسي مع المنتخب، تصدق يا معوكس يوم آخر مباراة للمنتخب الي الظاهر مع اوزباكستان في الامتحانات النهائية ما نويت أشوفها بس يوم دريت أن سعد الحارثي بيلعب والله قعدت أشوفها ولا ذاكرت بس ما دام الحارثي لاعب كلش يهون وبعدين ما تشوف أنه ضم لاعبي النصر 2أو 3مع المنتخب ولاعبين الهلال أكثر، صار المنتخب نادي الهلال والله هو المنتخب؟

عاشقة العالمي....

- أنتي ضحية الدخلاء على الرياضة فكلهم أبناء وطن واحد والراية خضراء.

@ الأخ معوكس.. أين ذهب منصور البلوي!!؟

المرسل أخوك/ مقفي بن مقبل البلوي الشرقية - الجبيل.

- شكلك طول عمرك واقف ولا تقدر تتحرك

@ معوكسي حبيبي، وش رأيك بأجانب النصر ذي السنة بدون إلتون. تكفى بدون سلة مهملات؟

أخوك (علي الخيبري. الرياض)

- مثل الحبحب يا حمرا يا بيضا

@ صديقي أبو شنب وش طوله وعيونن وش صغرها وجهن معرفط وعقال وشماغ مايل وزعانف كنها جناح طير وضروس وش كبرها وأذن صغيرة) أبسألك سؤال وبي جواب صريح وش تشجع؟؟؟؟

عاشق نواف التمياط

- فريق انتر عواكيس

@ هلا بالغالي معوكس، إذا كنت تعرف فريق رمحين بإشيقر وش رأيك فيه؟! وعلى فكرة ترى لون شعاره أزرق.

المرسل: هلالكو

- يذكرني برز أبو سيفين.

@ صديقي أبو العواكيس، لديَّ سؤال خاص أحب أن أعرفه ويعرفه جمهورك العريض - ما عمرك الصحفي في عواكيس منذ عرفت الجريدة وأنت عندنا أساس رياضة الجريدة - وأتمنى عدم تقاعدك والا قاطعنا الجريدة.

معاذ الحميد - مرات

- مع إني أفكر أسوي مباراة اعتزال عشان يطلع لي قرشين وأصير أعرف اصرّح.

@ أخوي معوكس، أيهم أجمل أنت أو مهند بصراحة؟

محمد المشيقح - بريدة

- الله يخلف على شباب هاليومين.

@ أخوي معوكس هل صحيح أن الرائد يبي يجيب مالك معاذ وياسر القحطاني للموسم الجديد؟

طارق بن صالح الحميد

- في البلايستيشن.

@ أخوي معوكس وش رأيك بمباراة الهلال والانتر.

فوفو طارق

- للأسف ما شفت المباراة أبد.

@ معوكس، وش رأيك بالهلال راح يباري الانتر على شان يقولون رحنه العالمية صعبة يالهلال.

عاشق النصر حتى الموت - الخرج

- كم عمرك يالعاشق.

@ معوكس، تحية طيبة وبعد تكفى لا تنسى موعد رحلتنا لبكين لحضور أكبر تجمع رياضي القطة من 05ريالاً كلم الشباب والتجمع في حلبان أقرب لك وانتظر رأيك بما أنك أمير الرحلة. وتكفى بدون كور لافة. (ضيفنا مع معوكس جنان)

أخوك عبدالله سالم الحربين - بيشة

- حدّك يا سالم "دورات حواري" مدام القطة خمسين ريالاً.

@ أخ معوكس: ما رأيك فيما ذكره محيي الدين صالح كامل بأن الهلال صاحب الشعبية الأولى في السعودية؟

سفير الحلة - الخبراء

- إلا وش أخبار الكبدة.