هل يُطبّق حظر استخدام الجوال أثناء القيادة في نظام المرور الجديد؟

1

ما ظنيت.. حاله حال حزام الامان (لم يطبق على الوجه التام)

2

ابشرك بدو يطبقونه وتوني ماخذ مخالفة استخدام الجوال اثناء القيادة قبل امس.

3

ياليت يطبق هذا النظام لأن المهم سلامة مرتادي الطريق من الحوادث..
والآن ظهرت تقنيات تساعد السائق على التحدث بالجوال عن طريق الكار كد الخاص بالسيارة.
مشكور ياأستاذ محمد على الموضوع الهادف.

4

ومين قال انهم ماطبقوها؟
انا بالأمس المرور السري وقفني في الرياض وصكني بمخالفتين
منها استخدام الجوال اثناء القيادة؟
على الطاري تراهم بيمنعون "البصق" في الشارع ,يعني اللي بيسويها يمسك "سعابيله" في فمه الى ان يوصل بيته. (-:
ونشوف اخرتها ايه.

5

مررت بنقطة تفتيش في طريقة الملك عبدالله
وعند مروري.. قمت بما يجب عمله
من إطفاء للأنوار.. والوقوف.. وفتح النافذة
وكانت جميع أوراقي سليمة
ولكن تعجبت عندما طلب مني الوقوف جانباً
وعند نزولي اخبرني العسكري بأن مخالفتي تتمثل في إستخدامي للهاتف
لم أكن أعلم بهذا القرار كوني خارج المملكة لمدة طويلة
رحبت بهذه المخالفة.. حيث أنها فعلياً ترسم نوعاً من المثالية بإستخدام الطريق
وفي دراسة بينت أن استخدام الهاتف اثناء القيادة
مماثل في خطورته للقيادة في حالة السكر
شكراً مرور الرياض على ذلك..

6

ماجعل الله لامرءٍ من قلبين في جوفه
مستحيل تعرف تقود وتتحدث بالجوال في وقت واحد
وهذي حقائق علميه مسلم بها ف ليش الجدال

7

نتمنى الصراحه انه يتطبق !
بس اتوقع يبي يصير مثل حزام الامآن

8

مالم يخاطب المرور أفراد المجتمع وجهاً لوجة ويجعلة يتحمل بعض مسؤلياته، سيكون هناك ما يسمى بإنقطاع التواصل. خاطبوا المجتمع فهو جاهز لتحمل جميع مسؤلياته. عليكم بالإعتماد على الله ثم المجتمع ونحن جاهزون.

9

اعتقد انه بيطيق بنفس طريقة حزام الامان و قطع الاشاره والمخالفات الاخرى الى من كثرتها صارت نظام والنظام صار مخالفه (ولا عاد تتعودها )
المفروض ان المرور ما عاد يحط انظمة للمخالفات اذا كان مش قادر يطبقها

10

يؤ: يؤ >>متأكدين أنو طيق نظام حزام الأمان>>وفيه متابعة! وفيه عقاب صارم؟ نآدرآ..مآأشوف أحد حاط عليه حزام الأمان؟!!
والله ياليت يطبق حظر استخدام الجوال>>غالبية الحوادث بسبب الأنسجام مع الهاتف أثناء القياده..!!؟
& في حال تطبيق العقوبة سوف ينضبط الجميع؟!! بس لايكون الجزاء مبلغ مالي نبي حجز!! ولا تتدخل فيه الواسطه!! بالرغم أني متأكدة ماراح يمشي الكلام على كبار الشخصيات!! نبي العدالة والمسآواة>>حتى يكون نظام بمعنى الكلمه!
هناء/بنية السعودية

11

لايوجد تطبيق صحيح اولا يجب محاسبة المسؤولين بالمرور وافرادهم في تطبيق النظام لان هم سبب الفوضى التي تحصل

12

بسم الله الرحمن الرحيم
مااعتقد ان احد يتقيد بالنظام حظر الجوال اثناء القياده لان الجوال الوقت الحالي اصبح من الاشياء الضروريه التي لاغناء عنها وليس من المعقول اذا احد اتصل بك وانت تقود سيارتك ان تركنها في احد المواقف الجانبيه كي ترد عليه ومن وجهت نظري ان لا احد يلتزم بالنظام الجديد ؟؟؟مع العلم اني من المؤيدين له
والله اعلم

13

أظن أن خطر استخدام الجوال أثناء القيادة خطير جدا, وكثرة الحوادث خاصة على الطرق السريعة.
نرجو من الله أن ينجح هذا المشروع الذي سوف يقلل من حوادث الطرق.

14

زين إذا ما مر من جنبك ضابط بالمرور وهو يكلم بالجوال وما هو رابط الحزام

15

امس بس قابلت سيارتيين كل وحده فيها رجل ماسك الجوال يكلم و يتمشى في وسط الخط العام ! الناس خلفه طوابير و هو مشغول بالمكالمه!
لا فيه احترام للمسلمين ولا احساس بمسؤوليه ابد..
السؤال كيف راح يتطبق النظام فعلياً ؟؟

16

عفوا اي شي فيه دفع وتضييق على المواطن سيطبق تأكد من ذلك
ليس من اجل سلامته بل من اجل الغرامه والا كيف ازعجونا بالحزام الامان
والحين لايوجد عسكري يسألك عن الحزام الا اذا يبي يعطيك قسيمه علشان
يخلص الدفتر بس
نتمنى تطبيق الانظمه لكن بدون غرامات عاليه لانه في الاخير لابد من المحافظه
على البشر وليس اخذ مافي جيوب البشر وشكرا

17

وانا معك أ/ محمد
وبالاردن، يمنع إستخدام الجوال واشعال السجارة اثناء القيادة
والمخالفة 15 دينار = 80 ريال
تحياتي لك

18

هه !
حزام الامان اللي هو اهم ما طبقناه تحمسنا يومين وبعدين خلاص !!
عاد الجوال هذي اللي ما في أمل..!
ألحين ياريت بس يكلمون !! هذا احسن شوي!
ألحين الناس تقرا رسايل وتكتب رسايل جوال وهي تسوق !!!
ابصم بالعشرة إن النطام هذا لا يمكن تطبيقة بالبته.

19

لاتتفاءل كثيراً فمصيره مصير الحزام، وكلاهما وجهين لعملة واحدة وهي عدم متابعة تطبيق اللوائح والأنظمة، فالدولة تسن القوانيين والجهات المعنية بالتنفيذ تضرب بها عرض الحائط، ياسيدي هي ليست مشكلة تطبيق عقوبات بقدر ماهي مشكلة ثقافة لدى الكثيرين اللذين يرفضون تغيير سلوكهم الى الأفضل !.

20

من جدكم خ
حتى لو تطبق بيرتفع سعر سماعات البلوتوث والوايرلس ه
عندنا ناس ما تسوق الا بقراءة مسج او رد على مكالنة وسواليف
الله يحمينا من شر الحوادث يارب
مودتي

21

أنسى.. أنا أشوف أنهم كثروا بعد القرار إلا إذا مروا عند نقطة تفتيش نزلوا
الجوال وبعد ما يعدون التفتيش..يرجعون يكلمون مره ثانيه !!
المسألة اقتناع ذاتي بخطورة هذا العمل وليست مجرد فرض قرارات مرورية !!

22

الله يقويكم يارجال الامن واتمنى يطبق القرار حتا لو يكون اقرب الناس لك
يزعل في وقتهى لكن ما راح يعودها نبي ياجماعه نقضي على هاذي الضاهره الخطره
ومن اليوم راح اعود نفسي
واتمنى السلامه للجميع

23

على حد علمي انهم بدأو بتطبيق هذ النظام
وهو منع التحدث بالجوال اثناء القيادة وان الغرامة ستكون 150 ريال ,
الاخت صاحبة التعليق رقم 20
اقتناء سماعات البلوتوث والواير لس ارحم بكثير من انت تمسكي الجوال بيدك وتسوقي بيدك الثانية والا ايش رايك...
لانه صراحة الوضع مزري عندنا الواحد مايقدر يسوق من غير مايكلم

24

ياليت يطبق لانه في ناس واجد ترمس في طريق وتسبب حوادث وله تمشي شوي شوي وماتنتبه على جنبها والي قدامها

25

اخدت مخالفه وما صدق على الله العسكري يوم رن الجوال انا عند التفتيش ابحط صامت على طول وقفني واعطاني مخالفه ؟

26

أتمنى أن يطبق هذا النظام
فكثير من الحوادث حمانا الله وجميع المسلمين من سبب استخدام الجوال..
وتعقيباً على الدول المانعه له.. استراليا.. فهناك مخالفة من 125 دولار استرالي إلى 150 دولار استرالي..
ألف شكر على المقال الرائع.. وأتمنى أن نرى وعي أكثر..

27

شي جميل كل يوم يخترعو مخالفة وهذه سهلة على الصغير منا قبل الكبير لكن المسألة ليست في مسميات المخالفات المسألة في تطبيقها على ارض الواقع كما يعلم الجميع وعدم التهاون في ذلك وكذلك الايكون لها وقت أوزمان محدد كما هو الحال فيما يبدو لي في مخالفة ( السرعة ) وخصوصاً على الدئرى في الفترة الصباحية حيث نجد اختلاف في مستوى السرعة عنها في المساء

28

لن نرتدع ونكون مثاليين بالقياده حتى يطبق نظام واحد فقط لو طبق لن تجد مخالف ابدا وهو ان المخالفة اذا لم يتم تسديده خلال شهر تتدبل وشف بعد ها القرار هو فيه احد راح يخالف ولالا واتركونا من سالفة مخالفة 100 ولا 150 هذا اسمه جبايه للمرور اذا كنت فعلا خائف علينا وجالس تعلن كل سنه ارقام الحوادث والمتوفين والمعاقين ومادري ايش ارفع سقف المخالفة ودبلهااذا لم يتم التسديد خلال شهر وشف وش راح يصير والله يا المرور ان يعيش على مصلحة الزكاة مايلقى مخالفة وحده يصلح بها تلفون الادارة

29

تابع بعدين ليه بس المرور عنده مرور سري فقط كله علشان يزيد حصيلة الخزانه لكن السؤال الي محيرني ليه الشرطه ماعنده سيارات تسمى شرطه سريه ولا علشان مافيه ايراد ودخل اقوول كيف الحال وبس

30

طيب والي شاف عسكري في سيارة المرور يكلم بالجوال.. وهو ماشي بالطريق.. ؟
لا وبعد صدور القرار :)

31

مااتوقع ان احد بيحترم هالنظام لانه للاسف اغلب الشباب ماتهمهم حياتهم فيهتمون بحياة غيرهم

32

يعطيهم العافيه بصارحه هذي المخالفه ضروري تطبيقها على العموم لسلامة العموم
صحيح بعض المشاوير مايتحمل انه تأجل فيه كل اتصالاتك بس فيه حلول مثل سماعة الاذن وسماعات البلاتوث
ياجماعه هذا القرار لصالح الجميع والله الموفق.

33

تحياتى الى مدير المرور بصراحه تطبيق النظام من قبل المرور فاشل جدا

34

مدري انا امس اعطيتهم الرخصة والاستمارة عند نقطة تفتيش (ومتأكد انهم مرور)
وانا اكلم بالجوال ورجعوا لي رخصتي واستمارتي ولا قالوا لي شي بس بعدين تذكرت انهم مغفلين ه

35

ليه حنا لازم مخالفات ليه ما يكون فيه توعيه قويه مو مثل ربط الحزام كنا نربطه اذا شفنا جندي مرور

36

انا شفت اليوم رجل مرور يكتب رسالة بالجوال وهو يسوق!

37

فيه ناس هطبق وناس لا
أهم شيء يبدء التطبيق أصحاب الامر

38

الأمر ضروري جدا لأن كثير من الحوادث تنتج عن استخدام الجوال أثناء القيادة

39

للاسف ان اغلب دوريات المرور ان لم يكلهم لا يطبقون ابسط الامور واعظمها وهو حزام الامان... وتجد بعض رجال الامن طول طريقه وهو ماسك الجوال...!!
بس للاسف خل ذلك يجريه احد المارين... تجد الغيرة الوظيفية لدى رجل الامن قد ثارت !!
كل راع مسؤل عن رعيته. وان كان رب البيت بالدف والعاً.. فما شيمة أهل البيت الا الرقص - مضمون البيت -

40

ذكرت بعض الدراسات أن التحدث بالجوال أثناء القيادة تجعل قائد المركبة
وكانه في حالة ( سكر )
على هذا فان السائق من الصعب أن يركز على القيادة وباله مشغوول بالأتصال
( وما جعل الله لمؤمن من قلبين في جوفه )
وعلى ذكر بعض الدول التي تمنع استخدام الجوال أثناء القيادة فان دولة الكويت قامت بتطبيق هذا النظام ووضع العقوباات الرادعه.
وكم أتمناء تفعيل هذا النظام لدينا كما فعل غيرنا
وشكرا