@ أخ معوكس: أنا أقترح عليك تعمل جائزة لصاحب أفضل سؤال، حتى ترتاح من بعض الأسئلة الي مالها داعي، حتى لو كانت الجائزة بطاقة شحن.
سفير الحلة - الخبراء
- والنهاية كلهم يكملون دور ثاني!
@ معوكس ألا ترى أن فريق الرائد مندفع بقوة للأمام من دوري الدرجة الثانية إلى دوري الدرجة الأولى إلى دوري الممتاز، أرجو منك خلال خبرتك أن تتوقع ماذا ينتهي المطاف بالرائد
صالح فهد الطريفي - القصيم
- أتوقع تناول السكري الموسم المقبل في دوري الخبيب
@ صديقي معوكس: ما رأيك في توقيت مواسم الدوري هل هو مناسب - مثلاً أثناء فترة الاختبار أو هذا العام في رمضان بينما حالياً فترة راحة للطلاب ملائمة ولا توجد مباريات.
لماذا لا نستغل هذا الركود ونكون فريقاً واحداً ودورياً وسيكون لنا حضور قوي وملفت ما رأيك؟
صديقك الدائم: معاذ الحميد - مرات
- أهم شيء فكونا من المؤجلات وتضبط الأمور!
@ حبيبي معوكس: الحمد لله على سلامتك وش تتوقع للكابتن أسامة هوساوي بيسد خانه النجم الكبير تفاريس.
مشعل بن عبدالعزيز الحبيب - الرياض
- إذا سددوا قيمة الانتقال كلمني!
@ هاي معوكس: لماذا النصر يرتعش وبشدة إذا لعب أمام الزعيم
عاشقة الزعيم
- بسبب أجواء الرياض المتقلبة
@ السلام عليكم يا معوكس.. أنت وش ناديك المفضل أنا نادي المفضل النصر العالمي ما له مثيل ولا نظير تركت التشجيع عشان أبو العيال وش رزيك بنادي شعيب بحريملا
بنت العالمي
- يا خوفي من الطلاق من أول هزيمة!
@ عزيزي واخوي معوكس، سمعت أنك فنان شعبي أنت وشنبك ونك ناوي تنزل شريط دويتو أنت ومحمد سليم عن (سنوات الصياعه). أرجو افادتي.
اخوك مضيع الطاسة من عرعر
- حسبي الله على بعض شركات الإنتاج اللي مرمطوني والا كان هالحين صاير معكوس عبده!
@ معوكس، حبيت أسألك مين تتوقع يفوز في مباراة الهلال وانترميلان؟ أتمنى تجاوب وما أكون ضمن الكور اللافة - الهلالية
ريم محمد الخراشي
- النتيجة معروفة خاصة عقب معسكر المطار الشهير.
@ أخي معوكس استر ضروسك وجاوبني بصراحة من الأفضل الهلال أم الاتحاد
عبدالرحمن هندي العضياني - عفيف
- يا حبكم للمقارنات اللي تحوم الكبد!
@ أخي معوكس، زاويتك خالية في السنوات الأخيرة من مشاركات صحن قايم، هل احترف في جريدة أخرى وإلا اعتزل؟
صالح راعي الشمال
- يقولون واشنطن بوست حطوه جنب القدور!
@ معوكس.. شخبارك أنا عندي اقتراح لجمالك اصبغ شنبك وحواجبك وشعرك اصفر عشان تطلع مثل مهند الممثل التركي في نور وعشان النصر انا نصراوية متعصبة.
مع تحياتي عاشقة ومجنونة النصر (ندوشه النصراوية)
- حسبي الله عليه اللي ضيع مستقبلي وكشف شين كشرتي!
@ أبو شنب معوكس هلا وغلا أتوقع لو تلعب كورة راح تعيد ذكريات ريفالينو في ملاعبنا انت وشنبك اللي محدده بسكين
بدر فهد السريع (ريفو الصغير)
- قريباً سيكون شنبي في المزاد العلني!
@ حبيبي معوكس، بعد تعاقدات النصراويين مع لاعبين محليين وأجانب هل تتوقع أن النصر يحرز على أكثر من بطولة
أخوك (علي الخيبري) - الرياض
- نبي وحده وعساها تجي!
@ أسمع يا أبو ضروس (زين الشباب على غفلة) يكفي تطنز بالبنات وياويلك إن شفتك تطنز بهن ولا تصرفهن للمطبخ وللكور اللافة ترى معي الحزام الأسود في الكاراتيه بس عندي سؤال: ما هي أخبار اللاعب النجم أحمد الصويلح، وترى حقه مهضوم إعلامياً بعكس ناس ثانين ما يجون ربعه.
سنايديه هلالية
- خاصة عقب احترافه بالانتر!
@ عكسكس بعد اذنك أرد على البنت المجنونة أقول خلينا الكورة وقلبنا عليكم من الضيم والقهر حريمنا أكثر نساء العالم رفاهية ودلع ورفالة ويطالبن بحقوق وسواقه شكلي أبصير زي إدارة النصر كل أسبوع أبصدر بيان بس ضد بناتنا الله يهداهن وهذا بيان: انتبهن لأزواجكن وأرحموهم من الشكشوكة والاندومي والمقارنة مع مهند ترا نقارنكم بنور وأليسا
(أبو حنك)
- هن الأكثر رفاهية وتسنيع البيت والعيال يخلف الله.
@ أقول ما فيه أحد منكم شاف منصور البلوي ودي أشوفه أحس إني بأصيف السنة هذي برا أبو العواكيس وين رحت في إجازتك؟
طايح من الصطح
- الخبر عند الجوازات !
@ عكوس .. سمعنا انك سببت حالة استنفار بالمطار بكثرة معجبينك!
المجنونة عقلت
-اهم شي انك عقلتي
@ عكوس بن بكوز سؤال محيرني ما هي شهادتك الدراسية وأنت على بند وألا رسمي؟ ودي أقدم ملفي على زاويتكم بأي شغلة لو اشتري لك فطور كل صبح وأحمي سيارتك الظهر وشهادتي سادس تير، ماجستير ابتدائي وما رأيك بنادي الدرعية العريق سابقاً، نافس بالمربع الذهبي والتاريخ يشهد.
أخوك/ بدر فهد العبدالله - الدرعية
@ مع الأسف يا بدوري، الشهادة ما تؤكل عيش وانصحك إنشاء قناة للشعر!
- حبيب قلبي نحنو شلة من عوده سدير ناكل لحم الحاشي كل أسبوع ومعنا نجم الهلال يوسف جازع هل تشرفنا الاسبوع القادم لتظفر بتوقيع جازع وعلى فكرة الرقم ليس للبيع.
عبدالإله القاسم
- انتبهوا لا تصيرون (بعارين)!
@ سلام صديقي معوكس ياخي أنا معجب فيك وبرودك الحلوة اللي مثلك الا بغيت اسألك وش رأيك باللاعب ليونيل ميسي؟
محمد الخرجي - الخرج
- رأيي أنه ما يصلح يجي عندنا!
@ عزيزي معوكس أرجوك ساعدني ابني الكبير هلالي كيف أغير ميوله الي نصراوي
المشجع النصراوي الوفي لافي صالح العنزي
- ركب له ريموت كنترول!
@ مالك القلوب معوكس، تحية طيبة وبعد، لدي عرضان لك من حسين عبدالغني وعبده عطيف يطلبون منك محمول مكفول مرافقتهم في رحلة الاحتراف الارجي، إيش رأيك فين بتروح سويسرا أو البرتغال أرجو عدم التصريف وأنتظر ردك على العروض؟
- اخوك عبدالله سالم الحربين - بيشة
- أبو علي لقا البراد وعبده حط الحرة بمندي الصحافة وبالنسبة لي اخاف تجيني الزكمة في براد سويسرا عقب اجواء الرياض
@ أخوي معوكس، أنا أول مرة أشارك تكفا لا تصرفني بكور لافة وعندي سؤالان:
1- وش رأيك بالتايب؟ 2- صديق إيتو رافض برشلونة وحالف انه يلعب بالاتحاد؟!
أخوك: محمد العتيبي - مقر الزعامة - حي العريجاء
- ايتو توالت عليه المصائب عقب صداقته لبعض الناس.
ابلاغ
التعليق مقفل لإنتهاء الفتره المحدده له
