وين دنياها عسى مابه زعل

وين غابت لوعتني نارها

وينها ودي أعرف اللي حصل

طالبك بالله زوري دارها

وخبريها عن هوى قلب سأل

قولي اني حافظ اسرارها

ولو يطول البعد يبقالي امل

هي حياتي ليت منهو زارها

ليتني اسعد بشوفه واحتفل

ايه احبه هايم بزهارها

صوتها شوقي وبنفاسي نفل

انتظر موعد لقى مسيارها

ليت هالايام تهديني وصل

انطفت في دنيتي انوارها

والوهم في خافقي صار ونزل

ولابقى عندي سوى تذكارها

من غيابه والالم عندي كمل

خبريها واسألي اخبارها

ليش ما تسأل عسى ما به زعل

فهيد البقعاوي