أنهت عمادة التعليم الالكتروني والتعلم عن بعد الدراسات المتعلقة بمشروع شاشات العرض الرقمية الكبيرة، وذلك لوضعها في أربعة أماكن في المدينة الجامعية في الدرعية وقال عميد التعليم الالكتروني والتعلم عن بعد الدكتور سامي الحمود: "يهدف هذا المشروع إلى توفير خدمة إعلامية تعليمية وإعلانية في الوقت ذاته، وذلك للإسهام في تحقيق الأهداف الأكاديمية والعلمية في الجامعة حيث يسهل إيصال الرسالة الإعلامية والمعلومات لطلاب وطالبات ومنسوبي ومرتادي الجامعة".
وأكد الدكتور الحمود أن "المرحلة الأولى ستشمل تركيب الشاشات في اربعة مواقع في الجامعة عند مدخل الجامعة قرب مستشفى الملك خالد الجامعي، وعند دوار الكتاب، وعند البوابة رقم 4في المدينة الجامعية في الدرعية، وعند البوابة الشمالية للجامعة".
وختم الدكتور الحمود تصريحه بالقول: "توخينا في هذا المشروع أن يكون عرض الشاشات 5في 10أمتار، وستكون مرتفعة عن سطح الأرض بواقع 8أمتار، وسيكون هذا المشروع ضمن قائمة من المشاريع التطويرية بالحرم الجامعي كتطوير القاعات الدراسية والمدرجات الطلابية والمعامل الحاسوبية نحو تطبيق مفاهيم المدن الجامعية الذكية بمشيئة الله تعالى".
1
والبنات ليش مايحطون لهم شاشات ؟؟؟
ويعدلون الجامعه في عليشة مثل الدرعيه~_~
maram - زائر
05:16 صباحاً 2008/07/19
2
شاشات اجل؟
مانبي شاشات بس نبي سبورات بيضاء زي العالم
تعبنا من الطباشير
.
,
.
جامعة الملك سعود الاقسام العلميه بالملز
(تشمل اقسام العلوم والحاسب الالي والزراعه والمستويات الاولى للكليات الصحيه)
ويقولون اكبر جامعه بالعالم ولين الحين طباشير!!
الله يخلف بس
Ashwag - زائر
05:20 صباحاً 2008/07/19
3
ليه هلشاشات..ليه...لا يصير بس حق عرض @
المسلسلات..المكسيكيه والتركيه @
وتسونها كلية الحب المنسي @
{ بدر اباالعلا } - زائر
05:29 صباحاً 2008/07/19
4
والله الجامعة هذي مستحيل تتطور دام مواد الانجليزي فيها يجيبون لها عرب يدرسونها وانها تتعاقد مع دكاتره من اسواء البلدان العربيه واللي يكثر فيهم الكذب
خالد من الرياض - زائر
06:57 صباحاً 2008/07/19
5
وجامعتي(جامعة الملك سعود بعليشة) شنو بيطولها من هالشاشات:)
ودي تشوفون الشبكة في مبنى (5) بعليشة حالها يبكي وغير صالحة للاستهلاك الآدمي قصدي التعليمي!
بنت المنصور - زائر
07:01 صباحاً 2008/07/19
6
مو المهم التركيب المهم هو استمرار الصيانه لهالشاشات
ريما - زائر
07:55 صباحاً 2008/07/19
7
والله من كثر الحوادث اللي بتصير اللحين بدونها وشف كم حادث فما بالك مع هالشاشات
طالب طب - زائر
08:08 صباحاً 2008/07/19
8
بدل ما تدفعون فلوس عل الخرابيط
طورو الدكاترة شوفو كيف يتعامل مع الطالب كأنه عبد عنده مو طالب
او الاداريين اللي ينظر للطالب عل انه علة
مشكلة حنا يالسعوديين نحب المظاهر (بس افتتاح وانشاء وتخريج وتعاقد) اللي همنا
المهم البيئة التربوية تكون محفزة لابداع الطالب وليس لقتل ابداع
طالب بالجامعة < وياليت ما دخلتها بس الظروف
فواز العتيبي - زائر
08:50 صباحاً 2008/07/19
9
الإبداع ليس له حدود, علينا أن ندعم البحث العلمي فهو بإذن الله الحل لجميع المشاكل التي نواجهها بما فيها الطبقة الوسطى وجميع فإت المجتمع.
لابد وأن يعمل الجميع ولو في منازلهم عبر الإنترنت، لابد وأن يكون الجميع موظف ويعمل،ولابد من ظبط المرور وإيقاع الحركة فيه. لا بد من التنويع في مناحي الحياة والفرص. علينا الإسراع في التنمية المستدامة. على بركة الله
أبوعبدالرحمن الشافعي - زائر
09:38 صباحاً 2008/07/19
10
الله يقويكم على هذي الجهود المبذولة..
وإن شاء الله نشوف جامعاتنا كلها تسير في التطوير التعليمي بالجامعات
عبدالعزيز عبدالرحمن - زائر
10:38 صباحاً 2008/07/19
11
ودي أعرف وش فائدتها!!؟؟
ماغير كب فلوس على غير فائدة
يعني مثلاً بيسون جلسات عند هالشاشات ونقضي هالصيفية بجنبها ولا الغرض منها تحطيم الرقم القياسي لتحسين ترتيب الجامعة عالمياً ^_~
أكاد أجزم بأن شاشة العرض الدعائية يلي بشارع الستين لها فائدة أكبر منها :)
*غازي* - زائر
11:48 صباحاً 2008/07/19
12
ما نبي شاشات تكفى قبل لا تصرفون دراهمكم...
نبي مظلات ومواقف.. ياناس قبال الكليات بر ما فيه الا تربات والمواقف بعد 1 كيلو حرام وان كان البعد مثقل عليكم لا تقربونها
بس حطوا لنا مظلات
نايف- الرياض - زائر
12:21 مساءً 2008/07/19
13
مانبي شاشات بس نبي سبورات بيضاء زي العالم
تعبنا من الطباشير
اول مره اشوف جامعة من اكبر الجامعات في العالم ولين الحين سبورات طباشير
ابو تركي الكيشان - زائر
12:45 مساءً 2008/07/19
14
يا زينا متبطحين قدام ها الشاشات نتفرج , /
ألا أقول : وراهم ما يحطون بلاي ستيشن بعد عند كل شاشه,
أهم شي راحة الطالب ,
هاجوووس - زائر
02:06 مساءً 2008/07/19
15
للاسف نهتم بالمظاهر الشكليه الخارجيه
عشان نقول واااو والله فعلا تقدمنا
ولو قربت النظر شفت النظام العقيم الغبي البدائي
وشفت السبورات الطباشير من العصر الحجري
وشفت الكليات بدون انتر نت
متى اتخرج وافتك من مشاريعكم الغبيه
ماجد - زائر
02:35 مساءً 2008/07/19
16
الصراحة أهل مكة أعلم بشعابها أي الطلبة هم الأقدر في التعليق وإضهار الفضائح والمستورة شاشه تقدر بحدود 300000ألف للواحدة إن كانت من النوع الأصلي ولا يوجد سبورة للأقلام المائية. في المدارس موجودة سبورة خاصة بالأقلام المائية وشغلت الطباشير لاغيتها المدارس لكن الجامعة ولحتى الآن طباشير الظهار أن مدير مصنع الطباشير يعطيهم نسبة على الشراء منه !!!.
فيصل السريّع - زائر
03:24 مساءً 2008/07/19
17
ياناس ياعالم تعالوا شوفوا حال جامعة البنات بالعليشه والله كانها مستشفى الشميسي والله المباني عندنا تجيب الكئابه حالها يحزن الواحد مايطيق يروح المحاضره على كثير المباني عندناوالله احسن مبني عندنا هو مبنى 14 اللي فية المؤتمرات عشان استقبال لازم ومبنى 15 والباقيات الحمدلله والله في بعض المباني من منظرها تحس هالمبنى بيطيح بأي وقت
بدال مايزينون الدرعيه وشاشات ودلع عالاقل بس يرممون المباني القديمه عندنا مانبي لاشاشات ولاخساير عالفاضي
*___*
جوان - زائر
03:36 مساءً 2008/07/19
18
الله يعينكم يا جوووان
حالكم ماساة
الحمدلله أني تخرجت منذ مبطي...
* *
ربى - زائر
04:34 مساءً 2008/07/19
19
والله مسخرة مواقف ماهيب مظللة والبيبان يسكرونها بسلاسل كانها سجن مو جامعه خ خ خ والكراسي نصها متكسره والباقي الطاولة حقت الكرسي مايله هه هه والطلاب واجد ولافيه قاعات تشيلهم خ خ خ والبوفيه حق الكلية يخلص من اول 100 طالب والباقين ياكلون تبن الين يروحون للبيت ولا بعد يبيعونها بعربيات كانهم بيسكرون الجامعه بكرا هه هه والدكاترة مانظلمهم نقول الكل لا بس فية مجموعة كبيرة مامعهم حتى الابتدائي خاصة السعوديين...!!
وكل هذا.. وتحطون شاشات...! استحوا..!
PANORAMA-m@H - زائر
04:35 مساءً 2008/07/19
20
يقول العثمان صارفين 90 مليون على تطوير مباني البنات
و لا شفنا شي
لا يفوتكم مبنى 9 في الملز و مبنى 6 لا و الا مبنى الكيمياء مدرس شسمه الظاهر 8 صراحه مباني تسد النفس
و الا مبنى الصيدله اللي عمره 60 سنه و ايل للسقوط صحيح فضوه بس ممكن يطيح علينا في اي لحظه
و الا الاصنصيرات يا سلام كل يوم موقف و بداخله ناس
بس يا حبهم للمهايط هالمدراء و الوكلاء على ابو شاشه مركبينها بالشارع حاطين خبر بالجريده يقال اني ترانا مهتمين بالجامعه
اقول
مها - زائر
04:39 مساءً 2008/07/19
الارشيف | اتصل بنا | خدمةRSS | النسخة الكاملة | الإعلانات المبوبة