مد لايمين وماكتب له من الجود

الجود خصلة من فعايل ثمينه

وإلي يجود بذروة المجد موجود

والجود يمنى في عطاها رهينه

ومن طاب في جوده له الطيب موعود

ومن جاد بالمقسوم تشهد يمينه

يلقى الجزاء ولا ينقص المال في زود

والناس عون لبعض دامت فطينه

ودام الضمير بنزعة الخير معقود

والي جمع ماله وكثر خزينه

ما يبذر المعروف ولا يجني القود

هذا هو المحروم وفعله يشينه

ولا للكرم عنده مواثيق وعهود

ومن يفزع لمظيوم وجاير سنينه

ومن ينقذ المحتاج من دين مرصود

يبشر بعزاً ناصعٍ في جبينه

وترتاح نفسه بالعطا طيب وشهود

حيثه رسم بسمه بنفس حزينه

ولانه شعر باللي شكى عوق ولهود

والناس كل في حياته ودينه

وحنا يديناً فيه بحراً من الجود