*الأسبوع الماضي كان بيت الأسبوع من طرح الشاعر سلطان حمد الحبابي من الطائف والذي يقول:
الأمن والمصياف ببلادنا غير
يحفظك بعد الله ويحفظ عيالك
وقد كان الصدى من الشعراء..
حنا بلدنا دار طيب ومناعير
واللي تبيه من الحوايج حلالك
دار السعود اللي بها الطيب والخير
اقضي بها العطلة عسى يطيب فالك
نسمة هواها حزة الصبح وعصير
يرضيك يالسايح وتلقى منالك
صالح سالم العبيدالله - الاحساء
إن جيت للمتعة ترى المملكة خير
وجهة سياحية داخل مجالك
المملكة أولى بصرف الدنانير
دام إنها مصدر لعزك ومالك
بسام بن علي اليافعي - الرياض
محلا مصايفنا وذيك النوافير
لازرتها بلعون يرتاح بالك
أو رحت للسودة مع حزة عصير
ينتابك المنظر تشوفه قبالك
سعود بن سعد الحافي - الرياض
الوضع ما يكفيه سطرين تعبير
يا شعبنا فكر وميز حوالك
سياحة خارج وطنا مخاسير
ما من وراها إلا الشقاء والمهالك
محمد عبيد الديحاني - القصيم
يا اللي تدور للوناسات تدوير
اعرف ترى كل الوناسة قبالك
الطايف والباحة وجدة ترى غير
مع البراد الأمن يرتاح بالك
خالد بن ناصر المخيمر - روضة سدير
ببلادنا سافر وترجع على خير
غرب وجنوب وشرق و إلا شمالك
تمشي على كيفك بليا محاذير
ويرجع لك اللي تصرفه من حلالك
فهد بن عقيل الطويان - بريدة
انشهد ان بلادنا كلها خير
هذي بلاد الدين والخير فالك
ولغيرها تلقى العنا والمخاسير
هذا وطنا واحفظ اليوم مالك
محمد بن عبدالعزيز الخنيفر - اشيقر
بيت الأسبوع
تجاوباً مع مقترح الأخ عبدالعزيز الرميح من الرياض حول موضوع وجوب تسجيل الجواز في القنصلية السعودية تحسباً لا سمح الله لضياع الجواز عند السفر للخارج وقد بعث للصفحة الأخ حمد عبدالله الوايلي هذا البيت وننشره بتصرف بسيط:
يا من نوى بالسفر ثم حدد الدولة
لا جا هناك الجواز تسجل اوراقه
نستقبل صدى البيت بثلاثة أبيات على الفاكس 4871070أو الايميل
khozama@alriyadh.com.
اقتراحكم لموضوع بيت الاسبوع محل اهتمامنا وللمشاركة ارسال الموضوع للصفحة عبر القنوات المذكورة من الفاكس أو الايميل.
التعليق مقفل لإنتهاء الفتره المحدده له
