الشاعر سعيد بن مقبل الاكلبي شاعر يتميز بحسه الشاعري المرهف وبتصويره الدقيق لجميع المواقف التي ترد في قصائده بالاضافة إلى اختيار دقيق في الألفاظ والمعاني الجيدة، يقول في قصيدة له تتحدث عنه الصداقة والاخاء:
يا صاحبي لا تقول الخوه الخوه
هذا كلام يبي له قلب ولساني
هذا كلام يبي له صدق وامروه
ما هوب لاغبت عنك شوي تنساني
مابي انا الصاحب اللي تنطفي ضده
لاجيت ابي نفعته قفا وخلاني
حد الدعاوي ما غير هروج يا قوه
يضع لي الفلك قبل الموج يوطاني
وان عودت فالكلام الصدق يا شوه
يصد لا شاف زولي ويتعداني
ياللي مع الوقت متغير ومتموه
سرك عرفناه واللي مختفى باني
اثر الخلل فيك يا الماخوذ من جوه
القلب تعبان والتفكير تعباني
ما عاد لي في خيال ما صدق نوه
أزريت اجامل مزاج فلان وفلاني
يا نافدا الصاحب اللي صافي جوه
لاجيت ناحيه رحب بي وحياني
اما قضى الحاجه اللي منه مرجوه
والا تعذر بعذر عنه وارضاني
هذاك يستاهل امدح فيه وانوه
وافرح بعد يوم يفصاني ويلقاني
فان الشدايد تبين صامل الخوه
والا الرخا كلبونا ربع واخواني
ابلاغ
التعليق مقفل لإنتهاء الفتره المحدده له
