انشدك عن رجل تسيّد رجاجيل

وعلمه براسه ما ادركه كل محتال

له ميزة تفرق على كل حلحيل

ولا كل رجال يعوضك برجال

وقد توصل للحل شعراً:

سعدون جاب اللغز ولغزه تساهيل

وبرمعه وارسله في كل الأحوال

وأكثر ضنوني يالرجال المشاكيل

يصير (مستر كي) ولا بعده جدال

ماجد عبدالعزيز الثميري

المجمعة

يالشمري حييت عد المهماليل

اليا انهمر من مزنة سيلها سال

لغزك ثمين ولا تجيله مداخيل

مفتاح ركب له على عدت اقفال

صنت بن صنهات الغيداني

رياض الخبراء

للغز يا سعدون جينا مقابيل

بافكارنا نبحث عن الحل بالحال

ولقيت مستر كي ماله تماثيل

مفتاح مصمم على عدت أقفال

حمود بن عامر الحنيني

القصيم

راع الذهيب أيدور أبله بدربيل

ونا ذهيبي رمعة الغز يا رجال

ما ستر كيو مفتاح مصنوع لقفيل

يفتح سويك ويفتح أشكال الاقفال

حمد بن علي الزقيحان - رياض الخبراء

سعدون عن لغزك تجيءك التفاصيل

إسمع جوابه جاك يا طيِّب الفال

مفتاح مستر كي عن زايد الشيل

واحد يعوَّض لك مفاتيح الأقفال

فهد بن عقيل الطويان - بريدة

يا مرحبا بك عد ما تمشي الخيل

واعداد ما صادوا من اطيور الاجوال

حنا قرينا اللغز دقه وتحليل

مفتاح سيد يفتتح كل الاقفال

علي رشيد الرشيد - رياض الخبراء

يامرحبا ترحيبة البدو بالسيل

ويا مرحبا بك عد نازل ورحال

جاكم جواب اللغز ما ريحة الهيل

مفتاح واحد يفتتح عدة اقفال

محمد أبو دحيم - البدائع

يا مرحبا ترحيبة البن والهيل

بسم الخزامى مرحبا بطيّب الفال

واللغز مفتاح فتح كل تقفيل

سموه (مستر كي) توقيع حلال

صلاح بن عبدالله اليابس

رحيمة

يا الشمري سعدون يابن المشاكيل

عرفت لغزك ما بها شك واجدال

سيد مفاتيح الدروب المقافيل

والاسم مستر (كي) يا طيب الفال

عوض الغيداني - الخبراء

لقيت حل اللغز يا موفي الكيل

والحل هو مفتاح يفتح لك أقفال

واحد ولكنه كثير المداخيل

سمّي "بمستر كي" في كل الأحوال

جابر عبدالله حمد البهدل

الربيعية

يالشمري يا طيّب القال والقيل

يا مرحبا بك عد ما هل همال

لغزك هو المفتاح يابن الحلاحيل

مع الغرف له يا رجل دور فعّال

محمد عبيد الديحاني

القصيم

لغز الأسبوع

كتبه للصفحة الشاعر صلاح بن عبدالله اليابس من رحيمة ويقول:

انشدك عن بنت ولا تعتبر شيء

جابت خبر رجل قوي وصبار

لو قلت ما هي شي قلت ذبحت حسي

فيها المثل معروف في كل الاقطار

نستقبل الحلول على الفاكس 4871070أو الإيميل: khozama@alriyadh.com