القافية الصعبة برواز القصيدة ذات المعاني السامية الراقية بصورها وأخيلتها الجميلة، التي يعبر فيها الشاعر فرحان المطرفي عن خلجات صدره بسبب النظرة المستبدة ويقول فيها:
ليا نظرني نظرة مستبده
نظرة ولع منها خفى الروح ينباح
يانضرة اللي يوم راعيه هده
الاشقر اللي للجناحين لفاح
ليا شاف طلع الجول دلى يحده
مخالبه ترمي العشا بس ميلاح
ليا لقاه بسهلة مجرهده
هميلعي لا شقح الريش ذباح
من فوق وكره لانطلق ما يرده
الاثناديها ليا خمها صاح
وانا بليت وقلب راع الموده
ما ينفعه لوعالجه طب جراح
في حب غرو باح سدي لسده
نجل العيون اللي رماني بلا سلاح
كنه لمعلوق الضماير يقده
بسيوف هند ويطعن القلب برماح
ابو جديل فوق متنه يكده
مثل الذهب من فوق الامتان سباح
غرون كما نور القمر ضوح ضده
في صدر ملهوف الحشا تقل تفاح
ياليت ابوي العود من نسل جده
والله ما حسب للخساير والارباح
المصدر: الشلالات من الشعر الشعبي
شعر فرحان المطرفي
1
يانظرة البعد وش بقالي لاتعودي
البقايا خليتها سهود في نثر الوعود
العلوم وراها ماتجي دون الحسودي
أكتفينا حان فك بعض الرموز في برود
العناد ماله معي لاناقة ولاقعودي
شفنا من الناس مافيه الكفاية وزود
البحر ليا هاج جاله موج قوته تزودي
يروح البعيد والقريب في موجه ولايعود
محمد.الزهيان العتيبي - زائر
08:18 صباحاً 2008/07/01