شعراء.. وقوافي صعبة
للشاعر عبدالله بن عون العتيبي هذه القصيدة على القافية الصعبة والتي يقول فيها:
ان ضوى ليلي على الشعر هاض
يلتطم موجه يهيض ولا يغيض
من هجوس نجظت قلبي نجاظ
كل ماجا الليل وردن الحفيظ
مثل ميراد الضحايا للحياض
عقب خمس وخمس في لاهوب قيظ
ان بغيت اقطف من الورد الغضاض
حرت في توجيه نشوان القريظ
ودي أرسم لي بياض في بياض
بس ما ادري وين دكتور المريض
درت سكان السفينه للرياض
يم ابن سلوم بالخط العريض
ان رفعت الشعر للسلوم فاض
وان حدرته يم غيره ما يفيض
كثروا الشعار واشتد الفواض
بس مبرك في مبارك ما يعيض
لو لسان معيض في عواض خاض
وشعلى عواض من شرهة معيض
ما اهتديت إلا على ذرب اللفاض
منهل من يارده مثلي حضيض
ما بنى بيته بفضلات النقاض
شاهدن له عقب أبو زيد الفريض
التعليق مقفل لإنتهاء الفتره المحدده له
ابلاغ
