"صديقك الجديد عبدالعزيز الحقباني الدلم"

- الاسماء اللي قلتها تدير أندية واجد حتى ايطاليا ضمها في القائمة.

@ أخ معوكس: ما رأيك في نظام الاحتراف ما تلاحظ انه حاسنا حوس فمثلا بعض اللاعبين يتركون انديتهم للتعاقد مع اندية ثانية وأنديتهم اخر من يعلم؟!.

"سفير الحلة - الخبراء"

- أكل العيش يحب الخفية.

@ قبل التحية اهداء الى خضار الجمعة: يا ماشاء الله عليك كل من شافك يقول: يا ماشاء الله عليك يابو شوانب طويله والعين سوداء كحيلة

"المرسلة - عاشقة القهوة بالزعفران"

- احول السؤال للزميل عاشق الكابتشينو

@ الشاعر معوكس: بما انك شاعر معروف ادعوك لإحياء أمسية وبعدها محاوره في الأسياح

(سامي الجابر - الأسياح).

- انا خابر الرجال في سويسرا الا ان كان عندهم اسياح مثلنا.

@ الزعيم معوكس: شفت تركيا كيف ترد على من يسجل فيها هدف وتعود في اخر اللحظات "

0001ريدي (الأسياح)"

- خطير يا الفريدي مدري محمد لطف.

@ ونااسه خلصنا اختبارات - يالله وين الحفله والحركات!! أفاا إيه صح معكوسوه تقولك أمي اللي بالقدر يطلعه "الملاس" عرفته ألحين؟ وبعدين لا تستهين بي تراني اعرف اسوي مكرونه حلوه بس والله مو اندومي!

"البنت - المجنونه".

- اقول جاسم الياقوت يقرب لكم.

@ الى معوكس احس انك زاحف بس احس انك ما تغلط الي يتحرش يويله

"ولد نجد".

- منين اجيب احساس للي ما يحس

@ صباحك كرز معوكس شرأيك بالكابتن سامي الجابر في قناة الجزيرة الرياضية؟ بصراااحة.. شرفنا

"ن، م، الرياض"

- صح لسانك فالك البطولة

@ سلام أخ معوكس يعجبني ردك على البنات لأني مكرووفه في المطبخ وشغل البيت بس ما أعرف أطبخ مفطح لأنك ما تحب الا المفاطيح...

(دوسريه والفخر ليه).

- المفاطيح أطلبوها من المطعم بس الله الله بالحلويات

@ هلا معكوس، بعيدا عن الرياضة وش رايك في "فنان العرب" أبو نورة. ومتى راح نسمع الدويتو المرتقب انت وأبو نوره؟

"ZOZO الهلالي"

- انا تخصص شيلات

@ يا عكوس اقترح عليك مع الشماغ والعقال المايل والشنب يصير جنبك بعير والا حصان تراني مراسل جديد. "علي المطيري

(عاشق الصحراء) القصيم".

- وش رايك تصور انت معي

@ أبو العواكيس مع كثرة مشاركات الاخوات وش رايك تخلي ام العواكيس ترد عليهم.

- اهم شيء الراتب.

@ عكوسو ما خبرنا الناس تشجع بطول شواربها ولا بعرض اكتافها! اذا جتك بنت طال عمرك ورنا كيف منت مخليها تشجع!!.

(هلاليه مانشتراويه).

- الأخت رايحها لمعركة والا للمطبخ.

@ عكوسي حبيبي تصدق لو تسوي تقويم لضروسك وعملية شد لوجهك وتشيل الشماغ والعقال راح تصير شبيه يحيى بطل مسلسل سنوات الضياع!!

"بدر فهد السريع (ريفو الصغير)".

- الا الضياع بعينه وعلمه الوقت اللي تقعدونه قدام هالمسلسلات.

@ هاه يا حلو انا ابروح الى سويسرا تخاويني في هاه البراد وعلى حسابي بعد

(فؤاد العتيبي) العبل الجمش.

- ناقص تحط كروكي لبيتكم يا فتى الجمش

@ حبيب الجميع معوكس بيني وبينك بعد اعتزال الأسطورة يوسف الثنيان ما عاد ليس نفس اتابع كورة ولا وش رايك "أخوك:

مشعل بن عبدالعزيز الحبيب".

- لا تقول اسطورة وبعدين يوقفونك.

@ سلام عليكم: أخ معوكس سؤالي يقول ياخي ما تلاحظ ان جماهير الهلال تحقد على اي نادي يبرز مثل الاهلي لم برز قبل كم سنة والحين حاقدين على الاتحاد لانه يحقق البطولات

"محب العميد: ابو صالح".

- اما يحقق البطولات كثر منها.

@ ابو شنب وش رايك في مدرب نادي الرياضيات خريص ابو ضريس

(ذيب المساعره).

- احسن منه نادي مختبر العلوم.

@ معكوسي حبيبي بعد المهاوشات بين ناديي النصر والشباب بسبب عبدالملك الخيبري وعبدالله الخليوي وأخيرا راح للشباب سؤالي هو هل هي تصفية حسابات بينهم. تكفى بدون سلة مهملات اخوك

(علي الخيبري - الرياض).

- اكيد انك عبدالملك ومتنكر.

@ أمير الذوق ابو العواكيس تحية طيبة وبعد اقترح عليك توقيع عقد رعاية لزاويتك الشهيرة عالميا مع احدى الشركات اشوف كلن هاب يوقع عقد رعاية مع انك اشهر منهم وشكرا

"أخوك عبدالله سالم الحربين من بيشة وتكفى تكفى بدون كور لافه".

- ازيدك من الشعر بيت قيمة العقد سرية حتى لا تطلع الأرقام وتفضح.

@ اخ معوكس كشافين الاندية ليه ما يحطون عيونهم على لاعبين اليورو يمكن يطلعون بلاعب ولا اثنين من ابو مليون وجاي بدال هالمزايدات والتنازلات وحب الخشوم دام فيه عقود بمئات الملايين.

فرحان الهلالي.

- تصلح وسيط للدرجة الأولى.

@ معكوس وشفيك على العالمي انت ما تخاف تخسر نصف الشعب السعودي! وبعدين ذا اللي في خشتك مسواك ولا عود اسنان؟ "حسام مهنا المهنا" الرياض.

- اخسر نصف الشغب السعودي.

@ اخ معوكس: وش سالفة البنات معاك لهدرجة مزيون؟؟

هلاليه والرأس عالي.

- اللهم لا حسد.

@ فيك الترهل مبتدي في محياك - ولا بقى من وجهك الا خشيمك -

اخوك طخطوووخ.

- لاني يا طخطوخ الوهم شارب ماك

وكسرت فنجالك علشان اضيمك

@ معكوس بالله ما تطفش من هالكوره اقول ما تخاويني نروح نقنص ضبان ابركلك من الكوره

"اخوك هقاوي الرياض شارع الخفجي".

- انتظرني في اول تقاطع في الربع الخالي وأنا واصلك.

@ عافاك الله ابو عوكس بردت كبدي بهالحريم الي الوحده ما تعرف من الطبخ الا الأندومي الله يرحم حال الأزواج والله يرحم حريم اول الوحده تقوم بطبخ ذبيحه لحالها وحريمنا ما غير شوربه والباقي من المطعم

"أبو حنك".

- مشغولات بسنوات الضياع الله لا يضيع جدانا

@ بروفسور معكوس عندي سؤال جوهري وفي محله وش اسم عيادة الأسنان التي تراجعها علشان ارفع عليهم قضية!!

"وثانكيو صالح مهنا الفضلي - الرياض"

- اسمك صالح وتقول ثانكيو

@ صديقي معوكس: هل تتوقع تأهل المنتخب لكأس العالم للمرة الخامسة على يد البطل ناصر الجوهر (توقعاتك دائما صحيحة)

صديقك الدائم - معاذ الحميد - مرات.

- يحول السؤال لمصلحة الأرصاد الجوية

@ أخوي معكوس شنبك يذكرني بشنب شاعر المحاوره عبدالله بن شايق وفيك نفس الملامح منه شكلك قريب له

"فيصل - الرياض".

- كشفتني يا ذكي

@ ابو العواكيس وش توقعاتك لمستقبلي

الكروي المرسل: Salmaninho.

- الله يستر عليه.

@ يا اخ معكوس سمعت انا اوباما استعان بك في حملته الانتخابية ضد هلري بانك تقنع الشعب الامريكي ان البنت مالها غير المطبخ ووعدك بان يفتح لك زاوية في الصحف الامريكية اذا نجحت وبعد نجاحك تخلى عنك بحجة حقوق المرأة المشجعة

"ابو سفيان مدخلي جازان قرية مجعر المداخله".

- تبي تعلمنا انك تعرف لغات يا مجعر

@ عزيزي معوكس ارجو منك ان تبحث لي على عقد احتراف للتدريب علما بانني افضل من انجوس

"المشجع النصراوي - الوفي لافي صالح العنزي".

- انجوس راح تبي تلحقه

@ عزيزي الكابتن معوكس عندي لك كم سوال 1وش رايك في مباراة ايطاليا وفرنسا والمسرحية الايطالية 2وش رايك بتوقيف عمالقه الوسط الايطالي بيرلو وغاتوزو ما تحس انها من صالح الاسبان 3رغم هذا الغياب خذها مني الفوز ايطالي ان شاء الله وإلا وش رايك

(اخوك عاشق الميلان).

- والله يا أنت نايم في العسل.