الصبر مفتاح الفرج والحقيقه
صبر وراه الياس مر مذاقه
يالله دخيلك وين أبلقى طريقه
وقفي عن أبواب الشرس والحماقه
اللي طواه الهم يشرق بريقه
لو هو يقدم له من الورد باقه
واللي يقيل في ظلال الحديقه
ما هوب داري بالبحر وصطفاقه
بس الوكاد أن السلوم العريقه
تحكم على الطيب بحكم العلاقه
الثانية مربوطةٍ بالدقيقه
والمهتوي ياقف على عظم ساقه
ايصارع الدنيا بنظره عميقه
ولا عليه من العلوم الدقاقه
مع الحجاج الطلق يمنن طليقه
بالماقف المشهود يذري رواقه
علم موثوق ما يبي له وثيقه
الناس كل ماشين باشتياقه
واللي زعل من غلطته في حريقه
يرضيه موس مثل موس الحلاقة
ما عندي إلا الصدق نفسي شفيقه
فتحتلي طاقه وقفلت طاقه
اليوم ما بين الرفيق ورفيقه
يا قل من يعرف حقوق الرفاقه
ابلاغ
التعليق مقفل لإنتهاء الفتره المحدده له
