ما يختلف إثنان على ضرر المخدرات اللي ما منها إلا المشاكل والبلاوي والأمراض واللي يأكد ها لكلام.. قبل كم سنة إتصل واحد وقال عندي ولدي كان ذيب، لكن طاح بشرب الحشيش وبلاني الله فيه إلين صار مريض نفسي وعقله لك عليه.. وما دريت في أحد الأيام إلا والشرطة ما سكينه وسجن بقضية سرقه ودخلوه مستشفى الأمل وبعدما طلع رجع لشلته وطاح بزود بشرب الحشيش والخمر إلين صار كل واحد يلاحظ إنتفاخ بطنه.. وسأل.. وش الطريقة اللي أقدر أعالج فيها ولدي؟.. وزاد على هالكلام وقال والله لو إنه ميت كان أحسن لي هالولد جاب لي الصداع.. وأقلقني في شغلي وفي بيتي.. ولا أذوق النوم من كثر مشاكله.

كلنا نعرف إن كل أبو يتمنى إن ولده يصير أحسن منه.. لكن هالأب يتمنى موت ولده.. كلها بسبة المخدرات.. اللي أمرضت الولد وجابت لأبوه وأهله المشاكل والفضايح.. ويالله سترك.

الأبرق