الأسبوع الماضي كان لغز الأسبوع من طرح الشاعر سبيتان شرار العنزي: والذي يقول:
انشدك عن بنت سكنت في ظهر عود
تاكل وله ناب طويل ومعكوف
بينه وبين العود ميثاق وعهود
والعود من نص الظهر صار مكتوف
وقد توصل للحل شعراً:
يا مرحبا بك عد ما يبرض العود
واعداد ما فوق الرعايا من الصوف
والحل سناره بها الخيط مشدود
يكسب بها الصياد ميّات واولوف
علي رشيد الرشيد - رياض الخبراء
الله يبارك ياهل الطيب والجود
بالصفحة اللي تجمع ألغاز وحروف
لاشك حل اللغز عندي وموجود
سفارة لها ترا راس وزلوف
سعدون الشمري - الجبيل
حنا قرينا اللغز والرد موجود
يابو شرار الحل واضح ومعروف
سنارة الصياد والعود ممدود
تلقى السمك عنده على الجنب مصفوف
فالح غازي الحربي - رياض الخبراء
سلام ياهل المعرفة وأهل الجود
والحل دايم بالسواحل له نشوف
سنارة الصياد عساه للفود
منظر طبيعي بالسواحل ومألوف
محمد عفار المطيري - عنيزة
سنارة الصياد مريوله ابعود
وراع الولع ذاق البهاذيل والخوف
والطعم بالمعكوف للصيد موجود
هذا جواب اللغز مكتوب بحروف
محمد ابودحيم - البدائع
لغز الأسبوع
كتبه الشاعر صلاح بن عبدالله اليابس من رحيمة ويقول:
انشدك عن بنت تسوى لجل عود
عليه تاقف وإن تصاغت بلعها
تركب على بطنه وهي تروح وتعود
وإلا بغت ديره قلعها قلعها
نستقبل الحلول على الفاكس 4871070أو الايميل khozama@alriyadh.com
التعليق مقفل لإنتهاء الفتره المحدده له
