محمد ماجد الدعجاني الرياض.

- كلها من الزحمة في طريق خريص

@ أبو العواكيس المحترم اولا: وش حكايتك مع عود الأسنان؟ ثانيا: وش سويت لما فاز الزعيم؟

معاذ حمد - مرات

- سويت صينية بطاطس مع مرقوق.

@ الى الاخ معوكس المحترم: احيانا احس من شكلك انك توك طالع من شهار فاحسن لك غير شكلك. تعرف الناشئ السعودي احمد عبدالله اللي مع وست هام وش رايك فيه؟ Arsenal Samba

- اللي طالع من شهار معروف بدليل غرف السمسمية.

@ الى ابو العواكيس: ما سبب ضياع البطولات من نادي الشباب الى متى.

تركي الشبابي - الرياض

- بعد "نحشة" الأهلي بطولتكم في الطريق

@ حبيبنا معوكس: هاذي اول رسالة ارسلها لك مع اني متابع عواكيس من عام 0141ما علينا سؤالي: ما تلاحظ ان استفتاء (زوغبي) جانب الحقيقة والدليل فوز ماجد وسامي بأكثر اللاعبين شعبية ومصطفايا ابو الغضاريف خارج القائمة؟ أخوك: سامي البراهيم - عنيزه.

- تصدق تحليلك احسن من كتاب الغفلة والمهرجين الأفاضل.

@ حبي الاوحد ابو العواكيس عندي لك مشروع بيكسبنا ذهب نسوي احصائية لاكثر نادي يصدر بيانات

اخوك عبدالله المقبل.

- الا بنطلع من المشروع "طفرانين".

@ هلا معكوس شلونك شخبارك وش رايك بالنصر أيام ماجد عبدالله وفهد الهريفي والجمعان؟

أبو اصايل - ابو بشاير - حايل

- ياحبكم يالنصراويين للرجوع للماضي.

@ الصديق معوكس وش رايك باللاعب احمد الفريدي بعد مباراة الاتحاد

اخوك الجديد - أبو منكاس الرياض.

- هذا اللي ضيعه رفع له كوره وصجيتونا

@ الأخ معكوس ماهو افضل نادي مستوى من جميع النواحي يا مناحي الهلال او النصر ولماذا؟

أبو سعود - حائل

- الجواب عند فاطمة المرطة

@ اخوي معكوس وش رايك في احتلال الشبرمي المركز الاول وانا في اعتقادي ان الفراعنه افضل منه! ووش رايك في نيل السعوديين على مراتب متدنية في شاعر المليون؟

(ابو عبدالرحمن - شقراء).

- كله من الناقة اللي ارهقتها المشاوير كنها مشاركة في بطولاتنا المحلية.

@ حبيب الملايين ومعشوق الكل معوكس وش رايك بلاعب النصر عبدالله الفوزان والمدافع محمد الفوزان هل تأيدهم ان يعتزلا

اخوك (ناصر الجبرين).

- الا ما تشتغل يا ناصر وسيط دولي وتفكنا.

@ عزيزي معوكس سمعنا ان الملاكم السعودي مطلق العتيبي سوف يحترف بأسبانيا ما نصيحتك التي توجهها له. محبيك

(عبدالملك وأملاك الهزاني) الزلفي.

- عليه ان يسوي "بروفة" فيكم قبل لا يروح ويفشلنا عند الأجانب.

@ معوكس (الوسيم) نخيتك لا تصرفني يقال انك مفسر احلام تحلمت ان الحسن كيتا يلعب للهلال وقام بضرب عامل هندي في الملعب فاوقف من لجنة (الاعتباط) اقصد الانضباط ست مباريات فسرها لي

- اخوك - أبو شامان من سكان الصمان.

- حلمك أبيض وأسود وفي الملون تحصل على شطب وترحيل واصحى للون يا فتى الصمان.

@ ابو العواكيس نادي الصحاري ما طلع له نسبة فالتصويت ليه. حشبتشوت الوادي.

- لأن التصويت على الأكثر جمهور والا انت فاهم "شعبية" بالغلط.

@ معوكس افيدك بأن اختي الفنانة نوال الزغبي ليس لها علاقة بالشركة المذكورة.

محماس الزغبي - عرعر.

- يمكن جدكم "جون الزغبي" وأنتم ما تدرون.

@ يا معوكس ردا على احد القراء الذي يطالب ادارة نادي الطائي بالتنحي عن منصبها وإعطاء الفرصة لغيرها. اقول ان الإدارة الحالية من افضل ما يكون وهي قادرة بإذن الله لقيادة النادي لمنصات التتويج وذلك بأمرين الأول عدم تدخل المتطفلين وضعاف النفوس في مستقبل النادي الثاني الخوف من الله وإعطاء النادي حقه وعدم ظلمه ومساواته بباقي الأندية والله قهر قال ايش قال على كف عفريت. ع غ الرياض.

- يحول معروضك لجهات الاختصاص ويعطينا ويعطيك الله خير.

@ بطولة واعتزال الاسطورة في عهد شاهر الصيعري وموتوا قهر؟ ليش اذا ارسلت حرمه قلت المطبخ لها الدرجة معقدتك ام العيال. صورتك تشبهك في الحقيقة يا الضويحي.

نصراوية حزينه - شقراء.

- لو قلتي نصراوية بس كان فهمنا اللي بعدها وبعدين روحي للمطبخ احسن لك.

@ مارايك في زعيم البطولات جمع: 74بطوله باقي بطوله يعادل نقاط الدوري الممتاز. عطني رايك بكل صراحة:

ابو بدر - الرس.

- شكلك ساقط في الحساب اذا حفظت جدول الضرب راسلني مرة ثانية.