ياللي بسوق الطيب ما تفرق السووم
الطيب ماله بين الاجواد حاكر
لا تشتكي للناس لا صرت مهموم
وتقول من دنياك شفت المنااكر
تقبل بك علووم وتقفيبك علووم
ويشعفك برق في دجى الليل ساكر
واليا غدالك مع طيور الفضى حوم
تحيا وتنسى بعض ما كنت ذاكر
واعرف ترى حال البشر ما لها دوم
لامن صفالك مشرب كان عاااكر
وش قيمة الدنيا ليا صرت ملزوم
بالرحله اللي ما عليها تذااكر
والنقص في بعض البشر ييرث الزوم
ومن يجحد الانعام ما هووب شاكر
وان ذمك الجاهل فلا نته بمذموم
لا راوزك خطوى ضعيف يجااكر
في منزل الاحرار ما ينزل اليوم
للبوم عش وللنوادر مواكر
واليا ضحك من حالتك عليت القووم
قل له ما دامك للتماثيل فااكر
ياضاحك باللي تعذيته اليوم
لا تبكي اليا من تعداك بااكر
سالم دخيل الحبابي
ابلاغ
التعليق مقفل لإنتهاء الفتره المحدده له
