الاخ معوكس المحترم..
وش رايك بالضجة اللي صارت مع خروج الشاعر ناصر الفراعنه وناقته من شاعر المليون؟
ضاوي - الرياض
الرابح الاكبر فيها (أبو فروة) يوم صوروه جنبه كأنه سواق الشيوخ!
الفاضل أبو العواكيس..
نبارك لك على اللوك الجديد وبودي اعرف وش سويت يوم أخذ الهلال الدوري؟
أبو ناصر - حي الروابي
ليه شايفني جديد على البطولات
يامعوكس
وش رايك بسالفة النادي الأكثر شعبية وهل من المعقول أن شعبية الهلال تعادل كل الأندية؟
معتزل الغرام - الهفوف
- من قدكم.. جماهير وبطولات وأولويات وغيركم (يفحط) عشان يشوف الكاس من ورا القزاز!
أبو العوكسة والعواكيس
أحس ان فيك شوفة نفس ويالله ترد على القراء من طرف خشمك وش السبب وبعدين كم راتبك؟
ناصر - المجمعة
- الله على العجراء اللي تخليك ماترد أبد!.
حبيب روحي معوكس
من هو برأيك (سوسة) الرياضة ؟
عبدالكريم الجعلول (أبو نادية والروح هادية)
واحد يحب عقد الاجتماعات في المنازل.
ويعشق (السوسة) المبعد.
صديقي القديم معوكس
ماهي اسباب هبوط القادسية للأولى؟
نادر المنصور - المنطقة الشرقية
القدر اللي يجيك منه ملاس أهبط واستريح!
الرجل الرصين ذو الرأي الحكيم أبو العواكيس
هل تتوقع عودة البلوي للاتحاد؟
وهل اجد عندك وظيفة؟
سليمان الحزين - الخرج
ان تجد وظيفة اسهل من عودة اللي بسؤالك الأول!
يا صديقي معوكس
من برأيك اللي بيفوز بكأس خادم الحرمين؟
محمد الغامدي - جدة
- حسب التسهيلات وخبرة البعض في قلب الطاولة
الاخ معكوس
شفت الزعيم وش سوى بالاتحاد؟
متعب الشمري
وأنت شفت كيتا وش سوى بالطبيب؟
استاذي معوكس
هناك بيانات تصدر بلغة فيها (انتهازية) واساءات برأيك من يحررها؟
سعد الشريهي - حائل
ما غيره المعقب الكحلي في (الخدمة) 42ساعة.. اهم شيء اعطو سداح فرصة!.
الصديق الغالي معوكس..
أولا.. متى بتعتزل؟
وثانيا يقولون انك متعصب للهلال هل هذا صحيح؟
خالد العمر - الرياض
- ومن هو اللي ما يتعصب للبطولات يا (الطفران)!
أبا العواكيس
السلام عليكم ورحمة الله وبركاته وبعد..
هل برأيك تعرض الفريق الاتحادي للظلم بعد حصول الهلال على لقب الدوري؟
سعد الناصر - الرياض
- والدليل عقوبة كيتا وتغريم الطبيب
المتجدد دائما معوكس
وش رايك باللي قالوا ان الدعيع انتهى وهل سيعود لتشكيلة الاخضر؟
نواف - المريكبات (الدمام)
- ابو عبدالعزيز في خدمة الوطن في كل وقت وبعدين الرجال يتسدح في المنصات وشلون انتهى؟
فاكهة الجمعة ابو العواكيس
وش رايك بالتصرف اللي بدر من محترف الاتحاد كيتا وهل هو لاعب ولا مصارع؟
تركي العتيبي (ابو ندا) - الطائف
مصارع تم استقدامه بفيزة لاعب!!
الأستاذ معوكس
وش رايك من يقول ان ريان بلال افضل من ياسر القحطاني؟
متعب صويان
قبل عرض ميلان والا بعده؟
تحياتي لك يا معوكس
كيف رأيت صورة الدغيثر يوم يسدد الكرة بتدريب النصر؟
ما يحتاج ابو سلطان مكانه جنب روني في ليفربول!.
1
وشفيك على الاتحاد والبلوي خاصه
06:17 صباحاً 2008/04/18
2
تسلم يابو العواكيس
06:28 صباحاً 2008/04/18
3
شكرا اخي ابو العواكيس والله ونستنا وواصل ابداعاتك...
07:19 صباحاً 2008/04/18
4
واضح أنك ضد العميد والشيخ منصور البلوي
ابو ثامر تاج ع راس الكرة السعودية من اولها لاخرها
11:25 صباحاً 2008/04/18
5
عوافي يابوالعواكيس
12:48 مساءً 2008/04/18
6
ابوالعواكيس انت فاكهة الجمعه
شكرا لك
01:14 مساءً 2008/04/18
7
المفروض يحطون معكوس نصراوي موب بس هلالي
01:33 مساءً 2008/04/18
8
تسلم لي هلاليتك يا بو العواكيس
01:41 مساءً 2008/04/18
9
السلام عليكم.
تعليقات جميله
شكرا
02:15 مساءً 2008/04/18
10
الاخت لبيبة اذا كان البلوي تاج عليك ارجو ان لا تجعليه تاج الكره السعوديه لانه لايسعى لإنجاحها بل لجعلها ترجع عشرين سنه للخلف
03:37 مساءً 2008/04/18
11
خاي اشك انك كووميدي بس ماتنفع ع التلفزيون تطلع ابو الفضايح المخبأة
03:37 مساءً 2008/04/18
12
واضح انك مقهور من الشيخ منصور البلوي وحاقد عليه وعلى نادي الاتحاد (( المونديالي )) يا راعي المحلية !
04:07 مساءً 2008/04/18
13
رائع يامعكوس تقديري لك...,
سؤال لمعكوس لو أنتخبوك في البرلمان وش أول قرار تفعله لصالح الرياضية..؟؟
04:25 مساءً 2008/04/18
14
مشكور ابو العواكيس
ومعوكس نصرواي صميم وبس
05:12 مساءً 2008/04/18
15
تسلم يابو العواكيس
05:40 مساءً 2008/04/18
16
الاخت لبيبه التاج على راسك انتي مو على راس الرياضه (قالت يخدم الرياضه) طيب الحركه الي سواها مع الحترف الي كان بيجي للهلال وش اسمها (اسمها نذاله)
09:31 مساءً 2008/04/18
سجل معنا بالضغط هنا