؟ صليت المغرب أمس في احد مساجد الرياض.. الا والله صوت الأمام ماشاء الله تبارك الله عليه.. دعيت له وأنا اصلي وراه ان الله يوفقه.. المهم بعد ما قضينا من الصلاة جلست اهلل وسبح.. وهو يناظر في ويبتسم.. قلت يمكن مشبه علي.. وبعدها قام الرجال وجاني وسلم علي.. قال انت ما عرفتني.. قلتله لا والله.. قال انا من الشباب اللي انظم لبرنامج الدعم الذاتي قبل خمس سنين بعدما تعافيت من تعاطي المخدرات، والله يبيض وجيهكم على هالبرنامج وجهودكم ودعمكم لنا ونصايحكم اللي دخلت قلبي وخلتني استمر في التعافي وابشرك انفتح لي باب رزق وكملت دراستي وتوظفت وهذي من بركات الله ثم رعاية ولاة امرنا الله يحفظهم ثم هالبرنامج اللي يخلي المتعافين يشجعون بعض وينصحون بعض وينقذون اللي طاح في المخدرات ومآسيها.. بس ليتكم تحطون لنا مكان نجتمع فيه حنا يالمتعافين كل اسبوع مره.. وقال تصدق انا نستأجر استراحه وكل اسبوع وحنا في مكان.. مالنا مكان ثابت واذا ما لقينا جلسنا على الأرصفه اللي سببت لنا احراج مع الرايح والجاي.. كله والله حرص على المتعافين اخاف عليهم لا ينتكسون ويرجعون ثاني مره للمخدرات.. ويالله سترك.

الأبرق