للشعراء حرية الرأي بالتعبير والافصاح عن وضع شعر اليوم وما يكتنفه من تحفظات للبعض منه وكذلك لمن ينسبون انفسهم إلى الشعراء وهم بعيدون كل البعد عنه وهؤلاء الشعراء كان لهم الالتقاء بالشعر بوصف ووضعيته اليوم وما يعانيه من سقطات شعراء لم ترقَ مشاركاتهم الى مستوى الشعر ومن خلال التقاء الشعراء ومجارات بعضهم بعض اخذ كل منهم بتوضيح وجة نظره بالطريقة وباللغة الشعرية التي تفهم بالمعنى أو بالرمزية خصوصاً إذا كانت طريقة الطرح جذابة ومن شعراء مطلعين على وضعية الساحة ومن هؤلاء الشعراء الشاعر عوض سمحان العتيبي وما قدمه من قصيدة كان له الصدى الجيد اثار به قريحة غيره لمجاراته حين قال:

لقيت الشعر يالاجواد بعثر مثل حب الرز

تبلاه المهبل لين راحت حالته حاله

حقيقه جردوه امن المعاني شامخت العز

يلفق به كلام ارخيص لين ايضيع اجزاله

زمان فات لامن الهواوي سمع بيتن فز

تناهيده تشق الجوف لامن سمع مواله

حتى قال:

ابا انخي من يقول انه على الشعر الابي ايعز

يقف وقفت شجاعا فاللقى مجذوب من خاله

يوجه اللي تبلا الشعر واودع ماقفه منهز

كفى صافيه ثم شال الرواب وباقي احثاله

وعندما اطلع على قصيدته الشاعر الكويتي طلب الرداد الظفيري هاضه قريحته الى مجاراته وطرح وجهة نظره حول المقصود الشعري حين قال قصيدة فيها:

عوض ياكايف القاف الجميل وخصره المهتز

عليه الشاعر المغرم يهيم ويرخي حباله

عرضنالك على عوص النجايب وانت نمر فز

إلا منه تذير يطوي الريضان وسهاله

جذبنا صوتك الوافي وقلنا صوبك نعنز

وننهل من بحرك الدر وكل منا نطح فاله

شياهين القصيد صقور وابلاها محاري وز

وضعنا بين حابلها ونابلها وغرباله

تريح واستريح وقل في وجه الرديه طز

وصافح قمة العليا وخل الهيت في حاله!!

واثار موضوع القصيدة الشاعر فهد بن فارس الثبيتي والذي جهز جيوش شعره ومشاعره واطلق لها العنان لمجاراة القصيدة ايضاً حيث قال قصيدة فيها:

(عوض) لاشك فالايام صبح(ن) باكر(ن) يبرز

مداهيل الصقور هضاب والمدحور في جاله

وانا ماني بجاي اضرب بسيفي ميت(ن) مجهز

انا جيت بخناجر دون سيفي سودت فاله

سلام الله على من دز بيته بالمعاني دز

ولا عزيت هاجوس(ن) يشيل الكون بجباله

على قول المثل لن جيت بارع جز علمك جز

وجاوب للعتيبي فالعلوم اللي تطاراله

وهذي قبل مابدي يالنشاما خاتم الموجز

وجزيت الخبر في بيت من ينقاه يرقاله

وهاض هاجس الشاعر ابو جنوب الهذيلي لمجاراته الشعرية لمن كان قبله على نهجهم وقافيتهم وهدفهم حيث قال قصيدة منها:

قبل كان الشعر سيف على عنق الفهيم ايحز

يوقف شعر راس الحر غصب ايتم عياله

وترقص له كهول القوم ولا تتعب ولا تعجز

ويطرب له هل المعنى ليامن سمعوا القاله

وهالحينه عيون الخبل مع هيفا تهزهز هز

ومن كثر التفاهه حطها نغمه بجواله

مشاركته بولكم ذووق ولا بيسلمووو يعنز

ويحسب له مشارك بالهنا له واهنياله

وتلميذ السريحي ياعتيبي دايمن يخنز

عن الشعر المقفى العذب وصار الحر حرواله