@@ الأخ معكوس تصدق انك تشبه ريفلينو بعد 50سنة؟ وشراك في لاعب الهلال ليلو ماتشوف أنه ما عندك أحد؟
- عامر الدوسري
@ حطمتني يا عامر وأنا أقول إني أشبه توم كروز بس بشنب.
@@ لا يهمك يا بو العواكيس إذا حولوك هاوي شوي تعديل بالشكل تضمن توقيع عقد لتدريب النصر لأنك تشبه آرثر جورج قبل يحلق الشنب وشكراً.
- علي الحربي، البكيرية
@@ ابشرك أخيراً تركت اللعب وقررت أصير إداري وبتلقاني كل يوم رازن خشتي في جريدة
@ الأخ معوكس السلام عليك وبعد: تبي الصدق صورتك تجنن وحلوة مرة مرة بس ناقصها أشياء تبي لها تحسينات بجوانب الخشم وتقص من ذا الشنب الدائري وشد جفون ومسح التوقيع. مهوب مسح بعض الرسائل؟
- فتو بنت أبو زيد الهلالي
@@ الظاهر انكم فاضين ما عندكم إلاّ "شنبي"
@ معكوس بعد التحية ما تحس ان الدور عليك بعد ان المحترف العربي تهاوش مع حكم ومشجع ولاعبين من فريقه انتبه لا يجيك الدور
- مهرب عادل الرياض
@@ كله من ايلتون ليش يروح للثمامة وما يخلونه هو يروح
@ وش رايك بمشرف فريق طائرة الهلال الجديد فهد الحريشي؟
- عبدالإله القاسم
@@ أكيد يقرب لك.
@ عكوس أفا ليه ما جاوبت؟ ليه صياد ماله رقم؟
- درة الزعيم
@@ لا تفكرين حتى يكفيني غثا أم العيال
@ يا معوكس ما تلاحظ الموسم هذا نزول الجماهير للملعب والليزر؟ وين لجنة الانضباط؟ عطنا رايك يا عويكيس ولد عمك معاكس
- حي النظيم
@@ شكل الليزر مزعجكم في النظيم
@ الغالي معوكس.. 1- ليش اللي يراسلونك يقولون لك صاحب المليون رسالة والجريدة معطينك ربع صفحة وتخب!! 2- لو سمحت بلغ المسيهيج يغير رسم صورتك مرة ثانية لأنها مو عاجبتني!! 3- وين صديق الصفحة متعب الشمري أبو صويان ليش غايب عسى ما شر!! تكفى تكفى تكفى بدون كور لافة ولا سلة المهملات وأنا آسف جداً على الاطالة وشكراً؟
- أخوك: علي الخيبري، الرياض
@@ أقول شكلك تصلح "محور" بدال عبدالملك بدون توقيعين.
@ الأخ معكوس أشوف شكل وجهك تقول عروق الثمامة يصلح لتطعيس بس خاص لبوربع
- أبو صقر المسعري
@@ خلاص يا خوي غيرت شكلي عشان ترتاحون
@ أستاذ معوكس ماذا تفسر هروب بعض لاعبي الأندية إلى الزعيم؟ ما تعليقك؟ وما هو الحل لهذه الظاهرة؟
- فيلسوف، الرياض
@@ هروب إلى الزعيم يصلح عنوان فيلم عربي
@ إلى صاحب أكبر جبهة وأكبر شنب وفيلسوف الضحك.. وش تنصح مشجعي الأندية الأخرى اللي يعانون من الضغط والسكرلية ما يصيرون مثلنا حنا مشجعي الهلال اللي مرتاحين وفالينها 2- ما ودك تزور حايل يا بعد حيي؟
- حايلي ودمي هلالي
@@ لاطاح المطر ولموا المفاطيح يا بعد حيي
@ الأخ المملوح أبو العواكيس.. لي زملاء نصراويين قدم يقولون ماجد عبدالله أيام عزة ورطنا بتشجيع النصر وروح وخلانا ويش رايك بكلامهم؟
- صديقك متابع قديم، أبو مهدي
@@ يواصلون التشجيع مع "المملوح" ايلتون بطل مسلسل راس غليص
@ مرحباً معكوس كيفك؟؟ حبيت اسألك انت ليه متحامل على البنات المهتمات بالرياضة كل وحدة تسألك تقول شغل المطبخ أحسن أو اشتغلي خطابه وش دعوة؟؟ مثل ما أنتم تهتمون بالرياضة أعتقد حتى احنا لنا حق نهتم باللي نبي وياليت تحسن أسلوبك معانا مع إني عارفة ان رسالتي هذي مقرها سلة المهملات خوخة؟
- شفتي حتى. اسمك مكانه المطبخ
@ الأخ معكوس.. المحترم: لا شك ان الطير النجراني واسطورة الجنوب من أفضل اللاعبين السعوديين في الفترة الماضية ولازال يواصل إبداعاته المتجددة متوجاً جهوده بصدارة الهدافين إلى الآن ولكن لو كان الحسن اليامي يلعب لفريق كبير في هذه المرحلة هل سيكون بنفس التألق الذي عليه الآن؟
- متعب صويان الشمري
@@ الحمد لله على السلامة يا متعب وبعدين ترى شباك الأصفر تخليك تنافس على نجومية القارة بعد.
ابلاغ
التعليق مقفل لإنتهاء الفتره المحدده له
