الشعر في عصرنا كبرت معاناته

اشوفه اصبح لشهوات العرب خادم

من عقب ماهو رفيعاتن مقاماته

البعض حطه وسيلة سب ومصادم

والبعض همه تجي الصورة مع ابياته

وبرامجن تجمع الباني مع الهادم

والرابح اللي كثيراتن رسالاته

ويا ما ابعد الفرق بين العود والعادم

ابعد من القاع عن عالي سماواته

الشعر معنى وزبدة فكر.. يا اوادم

ويبرى من اللي ما يعرف غير وقفاته

لكن لعل الفرج في وقتنا القادم

والشعر يرتاح من صادق معاناته

مبارك بن فهد العصيمي