1

طيب لازم دكتوراه ليه صراحه مو الكل يقدر يحصل عليها اذا كان المعيدين مامعهم الاالماجستير بعد يكملونه مو ماخذينها

2

نحن نريد وظائف بمرتبة معيدة، إلى هذا الحد يطالبون بشهادات عالية وسبق لها الخبرة، أليس لنا نحن الخرجون الحق بممارسة العمل و إستغلال نشاطنا و وقتنا، كليات البنات كثرة ووظائفهم محصورة، على شهادات و خبرات، أين الحق ؟ أين الإنصاف ؟ نحن نريد نصيبنا من التوظيف.

3

والله شروط عطوهم فرصه يدرسون بعدين تشرطوعلى كيفكم مو كل فصل دراسات علياما يقبلون الا اعداد قليله والله زميلاتي يتمنون يكملون دراسات عليا بس كل ما قدموا لا يتم قبولهم والمشكله اذا كان القبول بالواسطه والله على ما اقول شهيد

4

انا مادري ليه صراحه؟؟التعقيد
وكليات البنات مرة وضعها مزري وسيء
اتمنى انها ترتقي
وينزلون الشروط التعقيديه
مو كل البنات عندهم دكتوراة وصاحبات الماجستير وين يروحون
وغير ذالك طالبين خبره
يعني الوظائف محصوره للعاملات فقط بالكليات يعني اللي تبي تبدل بس
الحمد الله والشكر الله يوفقنا بس

5

حبايبنا يبون دكتوراة ويضيقون على السعوديات وهم لايرحمون ولا يخلون رحمة الله تنزل لايخلونا ندرس زي الناس ولا يوضفونا
وكل هذا علشان يجيبون الشهادات المقنعه و المحترمة من الخارج والله يرحمك ياوثيقة التخرج تخرجنا بكالوريوس حاسب نبي نعطي ونغطي بالاحتياجات اللي يدعون ان سوق العمل بحاجتها والله يكفي نعلقها بالمطبخ يمكن اصرف لنا
وتعاقد يامتعاقد
رحمك الله يالعلم والتعلم وعاشت بلادي قدوة للاوطان والنفع للغير

6

طيب الي مثلي ماعندهم غير دبلوم برمجة متى بيتوظفون
ليش مايسهاون على خلق الله

7

على الله على الله خلي امري على الله
ويت اتوجه وين ارووح

8

شروطهم صعبه ومناهجهم والله ماتحتاج اكثر من بكالوريوس وش زود الدكاتره
والخبره صراحه صعبه... ويبونا نرتقي ونتطور..
رددن ياليل مطولك

9

بكالريوس لغة عربية،، بكالريوس لغة عربية،، بكالريوس لغة عربية
أريد وظيفة.. آه

10

اريد وظيفة تعنيني على الزمن الاقشر معي بكالوريوس كيمياء ودبلوم حاسب كل سنه اقدم على الديون في الرياض مالقى شي سبحان الله كنا نشحد منهم

11

وظائف مفصلة الخارج ولكن قالو اعلانوا عنها واذا جاء احد هناك شروط جديدة مبروك للاخوة العرب الذين سوف يتم التعاقد معهم قريبا

12

من الاسس التي يجب ان يتم فيها التدريس الجامعي و هي ان يكون المحاظر او من يقوم بمهمة التدريس بالجامعة من نفس درجة الطلاب
يعني مو شرط معة ماجستير او دكتوراة يعني يخلون الدكتوراة للابتدائي و الماجستير اللمتوسط و الثانوي هذا المفروض والله
و بعدين وش الشرو ط التعجيزية ذي ؟؟؟ دكتوراة ,,, و بعد خبرة ؟؟؟ وين يلقون ؟ و مواطنات بعد؟؟ عز الله محد قدم

13

لو انهم يجعلوا الشروط اخف ولا رايحين يتورطوا كما حصل من الشهادات الكثير المزورة التي اكتشفت بكليات البنات.. اليس من حق فتياتنا ان يتوظفن بكلياتنا وجامعاتنا ولا يريدون ان يضحك علينا كما فعلت مرارا..

14

الوظائف هذي اللي رازينه شكلها واجهه اجتماعية
يقالهم جامعة ماتوظف الا دكاتره
معروف ياناس من اللي بياخذ هالوظائف فهمنا هالعبه نبي العاب جديدة
تحياتي لجامعة البنات

15

اجل وش نقول حنا بكالوريوس حاسب الي 5 سنوات وبألاخير موظفة متعاقدة بجامعة الرياض ب 2000 ريال
احمدوا ربكم بس على النعمة والله قعدة البيت اكرم

16

الحين من وين تبون الخبره وانتم ماتوظفون
بعدين متى تفتحون تسجيل الماجستير والدكتوراه واذا فتحتوا ماخذتوا الا 5 ولا 10
ومتى بتنقلون البنات للجامعه المباني بتطيح ع روسهم وهم مانقلوا
بس ما اقول الا حسبي الله ونعم الوكيل

17

واضح من الشروط أنهم ما يبون أحد يقدم من بنات البلد يبون من الخارج أرخص واسهل وإذا قال أحد شي قالوا أعلنا ولا أحد تقدم
يلعبون على روحهم

18

للأسف بعض المتعاقد معهم من الاستاذات العرب خريجات الكلية أفضل منهن من حيث الحماس والعلم والعطاء...والأمانة...
سمعت مرة أن إحدى المتعاقدات بكلية ما من كليات المملكة تقول إنهن لسن بناتنا فلماذا نتعب لأجلهن...
الدولة تصرف بدلات ويرفضن القيام باعباء تدريسية بحجة توليهن مهمة الاشراف.هذا غير التعاقد على تخصص غير التخصص الحقيقي لها...وهذا معروف جيداً...
لكن من أوصلهن لهذا ؟؟؟نحن السعوديين لأن لنا مصالح نغض الطرف عن الأخطاء التي ترتكب بحق الوطن

19

بداية عسى ربي يكون في عون بنات وطنا
الاعلان عن هذه الوظائف واضح وصريح ( كأنهم يقولون مانبي سعوديات )
يعني يابناتنا رددوا ياليل مطولك..
على فكرة يا اخواتي تراي اشارككم نفس الشعور المتذمر انا حاصل على
الماجستير في علم الاجتماع بتقدير جيد جدا وقريب من الممتاز الا شويه
ولي الحين سنتين ماحصلت وظيفة حتى اني تنازلت عن المرتبة اللي تناسب
شهادتي ولكن قالوا لي اقظب الباب. آه وربي بموت قهر..
على العموم الله يوفقنا وياكم... تحياتي

20

أول شي يعطونا فرصه نكمل دراسه بعدين يتشرطون

والله حاله
و في الأخير يقولون المجتمع السعودي يفتقر للمهارات و المميزات المطلوبه في سوق العمل
وظفوا خلق الله اول