ياعامل ابعدني عن الموت طالبك
بالعيد من يشرين ناوين نيه
ومسموح بعد إسبوع لاقلت جالبك
ما تسمع اللي قال شربة ضحيه
فهد بن عقيل الطويان - بريدة
الصوره اللي بالخزامى انشرتها
صورة خروف العيد سنه للإسلام
صدقه عن الاحياء والاموات عنها
اجره كبيراً عند خلاق الأنعام
عقلا خزن العنزي - تبوك
للضيف حشمه.. معزه.. وتقدير
خص لياجا من بعيد المسافات
يرتاح بالي لا لفوني مسايير
طبع الجدود اللي على الطيب عادات
محمد بن عبدالعزيز الخنيفر - أشيقر
يا شايل طليك على الهون
إن كان تبغا به ضحيه
هذا خروف العيد أبو قرون
امزينه رب البريه
دامغ بن محمد الدامغ - روضة سدير
ياللي تشيل الطلي من فوق الأكتافي
شريته بخمس ميه كان بتبيعه
بأكشت به البر مادام السماء صافي
في خايع خابره وطعوسه منيعه
سعود بن سعد الحافي - الرياض
الكبش بالصوره على ظهر جزار
اما غدا ضيفان ولا ضحيه
سعود عائش الحربي - القاهرة
سريع عجل علينا لا تحيرنا
ترى ضيوف البشر هالوقت عجليني
لوشان وجه الزمان الكل خابرنا
بذن الولي لو يزين الوقت ويشيني
عيد فالح - القصيم
يازين منظر خروف العيد
شعره وأذانيه وقرونه
في كل يوماً غلاه يزيد
وملزوماً الناس يشرونه
زبن مقبل العنزي - بريدة
عقب الغلا أركبك فوق العلالي
وأجيب مطلوبك ولو كان بالعين
قل يا خروفي تبي من ترابي
واكلك ومشروبك وكيك وقمر دين
عبدالكريم النغيمشي - الربيعية
طبخ الهرافي لحمها الزين
بمثلوثة فوق صينيه
الذ من برجراً من الصين
وحمص مع أوصال شاميه
سعود عبدالعزيز الهزاع - نعام
العيد روح بخيره والأضاحي سعرها نار
واللي معه مال ماهمه شرا منها وضحى
وضعيف الحال واقف منبهر عجز ومحتار
وده يضحي مع العالم ولكن ما نطحا
ماجد عبدالعزيز الثميري - المجمعة
ماهو كذا ياللي تشيل الذبيحه
يا رجل ياللي تجهل العلم بالحيل
من شاف شغلك قال والله فضيحه
طلينا ذا اليوم يشكي من الويل
خالد بن ناصر المخيمر - روضة سدير
القوي لاصار أمين أستاجره
ضاعف الأجره وفي مثله أجر
أنصحك هذا النصوح لا تكاسره
كيف شال بهيمة ثقل الحجر!
راشد سعيد المعيلي - الخرج
هيه ياللي للطلي ماشي تشيل
وزنه الراهي يتعب من يشيله
والقرون الطايله خوفي تميل
وافد غشيم وآمره من كفيله
حمد عبدالله الوايلي - حوطة سدير
سريع هات الكبش المسدح الكبش
بصينيةٍ ما يُمنع الجار عنها
في مجلس ما تنهبش حرمته هبش
مجلس رجالٍ يجفل النذل منها
عقاب بن سقيان العتيبي - الجمش
التعليق مقفل لإنتهاء الفتره المحدده له
