جاني أحد الشباب في أحد الأيام وقال تخرجت من الجامعة من سنتين وما خليت جهة حكومية ولا شركة إلا وقدمت فيها ملفي وكل من جيت عنده قال يفتح الله ما عندنا لك وظيفة.. وترى الواحد ما يدري عن ظروف الناس.. أبوي متقاعد من زمان ولا عندنا بيت أصلاً.. لأننا مستأجرين بيت صغير وقديم.. ولا لقيت إلا هالحين أي شغل وعندي أمي واخواتي وبصراحة الفراغ والفقر اللي نعيشه أنا وأهلي زاد.. وأخاف من كل يوم يمر.. إني أطيح بالمخدرات.

كان يتكلم معي بانفعال.. وما كنت ألومه إلين يوم قالي لا تلوموني بكره إذا طحت بالمخدرات.. عجيبة يعني كل واحد ما يلقى شغل يقتل نفسه بالمخدرات.. مو كذا الحل يا شباب.. أجل وين راح إيماننا بالله.. لازم نواجه مشاكل الحياة بقوة ما هو ضعف وانحدار.

ويا الله سترك

الأبرق