تقول وشلون قلبك طاعك تفارق
واقول تلويعك اللي زاد عن حده
البعد حارق. وصار وصالك الحارق
واشوف انا راحتي يا بنت بالصده
أفنيت عمري على باب الرجاء طارق
سلكت كل الطرق لا شك منسده
ربطتي قلبي بحبل من أمل خارق
الوقت طال وقطعتي الحبل بالمده
والحب لا من خرج مني خرج مارق
يروح من ضامري روحه بلا رده
انتي قتلتي الوله في رمحك الزارق
والله يعينك على فرقاي والعده
لا صار وصلك عذاب؟ أبرك لي افارق
الصبر مؤلم إلى من زاد عن حده\