"مسطول" يطلب من أمن المطار بالقاهرة توصيل سيجارة حشيش لصديقه

7
انا لي الحمدلله لي فوق الشهرين مبطل الحشيش الله لا يرده
والحمدلله تغيرت حياتي 180 درجه الحمدلله صرت اروح واجي صرت اروح اسلم على اقاربي وجماعتي الي كنت ما اشوفهم الا كل عيد مو عيدين عيد واحد بس وكنت افكر بس فيها وكانت شغلي الشاغل من اقوم من النوم لحد ما انوم صرت اصرف نص راتبي على الحشيش وكنت منعزل مااحب احد يجيني الا الحشاش بس كانت همي الاول والاخير لكن بعد ما تركتها الله لا يعيدها ارتحت وصرت انسان ثاني ياربي لك الحمد وابشركم الحين لي خمس ايام مبطل الدخان وان شاء الله من احسن الى احسن
اول صاير مثل الخروف لا حركه ولا بركه فاقد متبلد مافي اي احساس بالمسئوليه لا في العمل ولا في البيت بس من البيت للدوام ومن الدوام للبيت
ولا اعرف اداوم الا لما اكون محشش ولا ما اعرف اشتغل
والحشيش انتشر عندنا بشكل مخيف لدرجه انك تلقى في الحي الواحد اكثر من ثمانيه او سبعه مروجين للحشيش او الحبوب او الخمر وفي الدوام اكثر من شخص يحششون واذا صار مايحشش صار ياكل ابيض (كبتاجون)
فأنا والله اتمنا من اميرنا المحبوب محمد بن نايف يطبق نظام العسكريه الي هو (التحليل المفاجئ للموظفين الحكومين ) ويكون فيه عقاب للموظف المتعاطي مو بفصله لان الفصل يمكن يزيد المشكله فيه بدائل اخرى للعقاب والمختصين ابخص بالعقاب المناسب هذا كله عشان ما تستفحل المشكله
وأخيرا اسئل الله لي وللمسلمين الثبات حتى الممات
دعواتكم لي يااخوان فأنا والله في حاجه للدعاء ادعولي الله يجزاكم الجنه
اخوكم (تركي)

تركي - زائر

11:15 صباحاً 2007/10/23