الا بسألك يلي تقول ان الحياة الوان
ياكيف تميز بعينك دخيلك بوصف لعيني
انا ما اشوف بعيوني سوى لون الوطن يا فلان
سوى لون الخضار اللي يلون كل شراييني
تراب اخضر وبحر اخضر وكيفي بعشقه بجنان
وطن من كثر ما احبه يحبه كل ما فيني
وطن بعهد عبدالله معزز فوق ما ينهان
تباشير السعد لاحت بوجهه ياالله تحييني
وربي شعبه يحبه قليله لو احلف ايمان
اسابق وافدي بعمري ولا شيء عنه يثنيني
سلمت ودعوتي جعله يزيد بما لعمر ازمان
بصحه وعافيه بدعي ويأمن لي ملاييني
ولا هانت سجايا الحر سليل المرجله سلطان
توثقها عطايا اليد تجود شمال ويميني
يجبر خاطر المكسور عظيم برقته انسان
يداري دمعه الايتام وذله كل مسكيني
وطن يا فرحتي لني سعودي والبسه نيشان
يشرفني وطن مثله ولا غيره بيرضيني
وطن خالد خلود الكون مازاده شعر والحان
مجرد حس من شاعر وعشقه هيضه فيني
تلوموني بوطن مثله تلوموني بعمى الالوان
انا ما اشوف غير اخضر يلون كل شراييني
التعليق مقفل لإنتهاء الفتره المحدده له
