الشاعر عبدالله عايض الفهري شاعر يتميز بجزالة فريدة في نوعها مع مزج لغوي خاص. له قصيدة جميلة يقول فيها:
با فند المطلوب موضوع موضوع
واكتب مكاتيبي على ضي شمعه
وشخصٍ يجاملني لا يجيني ومقروع
والناقد الصادق يجيني بجمعه
وان قالوا النجار له باب مخلوع
شعري صناعة فكر متقن الصنعه
الخافت اللي بين الاضلاع مزروع
الوقت يزهى ويتفاخر بقمعه
والطيب متبوع ولا هوب مجبوع
والخاسر اللي ما توفق لجمعه
والله خلق خلق على اصناف وطبوع
ولا نيب مارد يسكن يحوف قمعه
حتى قال:
ان عشت ابا لقى لقمة تنطح الجوع
واني مت بلقى لي من الخام قطعه
والضرس لا من صار يرقل وموجوع
أخير من صبر على الغيم قلعه
والصحبه اللي كل يوم لها نوع
الرابح اللي ما تنوشه برمعه
لا صار ما تبنى على ساس مشروع
ومزارق بالطيب والطيب رفعه
واختتم الفهري قصيدته قائلاً:
والصحبه اللي جدرها كله صدوع
حبل يوصلها حلالا قطعه
ومادام يغني كل تابع ومتبوع
والخاتمه لو طول العمر هجعه
والورث ما بين الاصاحيب مقطوع
ما للرفيق الا كرامه وفزعه