يا للّه طلبتك يا الولي يا لطيفي
يالواحد اللي كل خلقه ترجاه
تفرج لمن عينه جداها الذريفي
دمعٍ يسيل خدها لين تملاه
وحاله من أسباب المشاكل نحيفي
لامن بغيت أنساه جاه البلاء جاه
هذا زمان يا جماعه مخيفي
الشر بان وتو بالعين شفناه
عودت من بعض الأوادم معيفي
خله يفارقني مع مقيط ورشاه
بعض العرب يعل يذلف ذليفي
ما ينفعك قربه ولو يذبح الشاه
إلا رفيق صادق لك حليفي
لومن بعيد الناس لا يمكن انساه
حظ الفتى لا طاب رفرف رفيفي
يعطيه ربه ما يريده ويهواه
وإن خاب حظه ما لقاله وليفي
يلقى الجفا واللوم مدنا دناياه
سالم مبارك الدوسري