وين انت غايب صاحبي وش الموانع يالحبيب
ولا الأرض تلحق عرضها ولا أنت بقاطع طولها
شابت صوابر بعضنا عاش يركض وش يجيب
غير العنا ويّا الألم يتعب بشيل حمولها
وقت تراجع للورى كيف الزمن هذا عجيب
الطيب كنه كلمة بعض العرب ويقولها
ليت الطفل لا من نهل ينهل تواضع بالحليب
وإذا كبر ماله على درب الخناء وذيولها
لا لا تهرب صاحبي ياليت تفهم ياللبيب
واحد طلع يم السحاب وأحد ولاهو حولها
دنيا وفيها صاحبي الهم للعالم قريب
والليلة الظلماء ترى تبان من مدولها
والموت سنه بالبشر ياكم خطف شين عجيب
حتى العروس اللي على كرسيها بينولها
يالله طلبتك ربنا أنت الكريم يا مستجيب
ترحم إلهي ضعفنا وهمومنا تزولها
دنياك هذي يافتى صحيح وضعه جاء غريب
مرة تغرك تبتسم ومرة تزيد حمولها
كم شيخ قوم تنزعه من الجماعه ثم يغيب
باللحد يبقى منزله للأيام يلحق هولها
شمسي وشمسك يا فتى مصيرها وقت المغيب
الحق سنينك واعتبر يمكن ما تدرك حولها
عبدالكريم بن إبراهيم بن خزيم