يا بو عزيز هذي الام دنياك
فيها العناء والضيق وايضا النكادي
لا والله الا عافت النفس بلواك
دنيا دنيه ما تجي بالركادي
الوقت شين وشين الوقت دعواك
ولا لك عن المكتوب درب وكادي
مرحوم يا شيخ على الطيب مبداك
شيخ يفك الملزمه بالعنادي
مرحوم يا ناصر عسى العفو مجزاك
وتغفر لك اذنوبك بيوم التنادي
يا لله انا طالبك طلبه وابرجاك
يا رافع سبع بليا اعمادي
يا سامع الدعوة ولا هيب تخفاك
تفسح له بقبره بيوم الشدادي
وتنجيه من نار تلظى برحماك
ولا جاء نهار فيه نادي المنادي
ينزل وينعم عقب رحمتك ورضاك
في جنة الفردوس ظل وبرادي
عز الله اني ضايق عقب فرقاك
والعين عيت عن لذيذ الرقادي
مير العوض فاللي مشى درب ممشاك
عيالك اللي فالدروب الحدادي
ويا بو فهد هذي بهاذيل دنياك
اما تيجي في الصبح والا هجادي
واصبر وتلقى حسنتٍ عند مولاك
تلقى جزيل المغفرة بالمعادي
والحلم خله ميزة من مزياك
تظفر بها من عند وال العبادي
محمد عبدالعزيز الثبيتي - المجمعة
التعليق مقفل لإنتهاء الفتره المحدده له
