قصيدة رثاء في الشيخ عبدالعزيز التويجري - رحمه الله
أي والله ارثيك واتشرف واثني عليك
الله يغفر لك بعفوه وحسن عملك
الآخرة علمت دنياك قالت تبيك
اعزي الناس في موتك واعزي ملك
الليل يسريك في ليلك وفي سجدتيك
والصبح يعني غيابك عنه دوره فلك
ياكم وكم انهت الحاجات يمنى يديك
ترملتك النوايا طيبك مزملك
صبرت حتى خذاك الصبر في حاجبيك
دللته بصبرك وتواضعك دللك
الكبر نوخته بصدك وهو مهتويك
ابطا يحاولك لكن يوم ما حولك
المجد يصنع كذا والا فلا ينتهيك
عللته العلم والمعروف وتعللك
الطيب ناخت ركاب الطيب في راحتيك
والفزعة ان هانت الفزعات جت تقبلك
شديت بعدك شداد الله بعين ولديك
وابناءك وكل غالينك وعزوة هلك
عبدالعزيز اخو عبدالله منك واليك
يا رب طيب ثراه الناس له تسألك
هذا فقيد الوطن الا فقيد المليك
اعزي الناس في غيابه واعزي ملك
حاتم بن عبدالله الشاهر الشمري
التعليق مقفل لإنتهاء الفتره المحدده له
