انا يهيضني كلامك وجدك
وهذا جوابي يوم دقن الاجراس
بعد لفاني طيب عودك وندك
وجواهر تجلي عن العين الاعماس
طير تبشر بالعشا من يهدك
ولك ماكر عالي على كل نبراس
والشعر دامه ورث جدي وجدك
نرفع مقامه ما يجي درب الادناس
واللي حداني لازم انه يحدك
ويجيك عن منهاجك العام هوجاس
وموضوعك اللي حس بالك وشدك
ماجور يالسلوم لا باس لا باس
ولا احد عن الموروث يمكن يلدك
واهل الخزامى نهجهم بين الاقواس
منهاجهم نهج يعين ويمدك
يكمل مسيرك لو يجي فيه لولاس
واقبل سلام من رفيق يودك
من قلب صاحب مادخل فيه وسواس
محمد بن زبن بن شالح